Ligji i Përtërirë 15:12-15
Ligji i Përtërirë 15:12-15 Bibla Shqip "Së bashku" 2020 (me DK) (AL1)
Nëse të shesin ndonjë hebre apo hebreje, ai ose ajo do të të shërbejë për gjashtë vjet, por vitin e shtatë do ta lësh të shkojë të lirë. Kur ta lësh të lirë, mos e nis duarzbrazur. Mbushe plot me prodhimet e bagëtisë, lëmit e torkut tënd. Jepi, siç të bekoi edhe ty ZOTI, Perëndia yt. Mos harro se edhe ti ishe skllav në tokën e Egjiptit dhe se të çliroi ZOTI, Perëndia yt, prandaj dhe unë po ta urdhëroj sot këtë gjë.
Ligji i Përtërirë 15:12-15 Bibla Shqip 1994 (ALBB)
Në rast se një vëlla apo një motër hebre shitet te ti, do të të shërbejë gjashtë vjet; por vitin e shtatë do ta lësh të ikë i lirë. Dhe kur do ta lësh të ikë i lirë, nuk do ta lësh të shkojë duarbosh; do t'i japësh bujarisht dhurata nga kopeja jote, nga lëmi dhe nga hambari yt; do ta bësh pjesëtar të bekimeve me të cilat Zoti, Perëndia yt, të ka mbushur; dhe nuk do të harrosh se ke qenë skllav në vendin e Egjiptit dhe se Zoti, Perëndia yt, të ka liruar; prandaj sot të urdhëroj këtë.