2 Timoteut 4:9-22
2 Timoteut 4:9-22 Bibla Shqip "Së bashku" 2020 (me DK) (AL1)
Nxito të vish sa më parë tek unë, sepse Dema, duke dashur këtë botë, më braktisi e iku në Selanik. Kreski shkoi në Galati, ndërsa Titi në Dalmaci. Vetëm Luka është me mua. Merre edhe Markun me vete, se ai është i dobishëm për shërbesën time. Tikikun e dërgova në Efes. Kur të vish, më sill gunën që i lashë Karpit në Troadë dhe librat, sidomos pergamenat. Aleksandri, bakërpunuesi, më bëri shumë të këqija; Zoti do t'ia shpërblejë sipas veprave të tij. Ruaju edhe ti prej tij, sepse ai i kundërshtoi fort fjalët tona. Në mbrojtjen time të parë asnjeri nuk më përkrahu, por të gjithë më braktisën. Kjo mos iu numëroftë për faj! Por Zoti qëndroi me mua e më forcoi, që përmes meje predikimi të kryhej plotësisht dhe të dëgjonin të gjitha kombet. Kështu i shpëtova gojës së luanit. Zoti do të më çlirojë nga çdo vepër e ligë e do të më shpëtojë për të më çuar në mbretërinë e tij qiellore. Lavdi atij, në shekuj të shekujve! Amen! Të fala Priskës e Akuilit dhe atyre të shtëpisë së Onesiforit. Erasti mbeti në Korint, ndërsa Trofimin e lashë të sëmurë në Milet. Nxito të vish para dimrit. Të bëjnë të fala Eubuli, Pudi, Lini, Klaudia dhe të gjithë vëllezërit. Zoti qoftë me shpirtin tënd! Hiri qoftë me ju!
2 Timoteut 4:9-22 Bibla Shqip 1994 (ALBB)
Përpiqu të vish shpejt tek unë, sepse Dema më la, sepse deshi këtë botë, dhe iku në Thesaloniki; Kreshenci në Galati, Titi në Dalmaci. Me mua është vetëm Luka; merre Markun dhe sille me vete, sepse e kam shumë të dobishëm për shërbesë. Tikikun e dërgova në Efes. Kur të vish, sill mantelin që lashë në Troadë, pranë Karpit, dhe librat, sidomos pergamenat. Aleksandri, remtari, më bëri shumë të këqija; Zoti ia shpagoftë sipas veprave të tij. Ruaju edhe ti prej tij, sepse ka qenë kundërshtar i madh i fjalëve tona. Në mbrojtjen time të parë në gjyq askush nuk qe me mua, por të gjithë më lanë; kjo të mos u numërohet për faj. Por Zoti më ndenji pranë dhe më dha fuqi, që me anën time predikimi i ungjillit të kryhej plotësisht dhe ta dëgjonin të gjithë johebrenjtë; dhe unë shpëtova nga goja e luanit. Edhe Zoti do të më shpëtojë nga çdo vepër e keqe dhe do të më ruajë për mbretërinë e tij qiellore. Lavdi atij në shekuj të shekujve. Amen. Të fala Prishilës dhe Akuilës dhe shtëpisë së Onesiforit. Erasti mbeti në Korint, por Trofimin e lashë të sëmurë në Milet. Përpiqu të vish përpara dimrit. Të përshëndetin Eubuli, Pudenti, Lini, Klaudia dhe të gjithë vëllezërit. Zoti Jezu Krisht qoftë me frymën tënde! Hiri qoftë me ju! Amen.