Mateo 3
3
Re Juan Bautista nutzijoj re ruch'abal re Dios
1Y xapon re k'ij tak re Juan Bautista xutz'am rutzijosic re ruch'abal re Dios chiquivach re vinak, y ja chupan re lugar re anche' manak vinak re nibex desierto#Jos 14.10. cha re c'o pa Judea,#Mal 3.1. chire' nutzijoj-va re ruch'abal re Dios, 2y reja' nubij chique re vinak: Tijalataj re ic'aslen chach re Dios, roma xa can nakaj chic c'o-va-pa re k'ij chin che yojoc pa ruk'a' reja'.#Dn 2.44.
3Can ja-va chij re Juan Bautista ch'ovenak-va can re Isaías, re rusamajel re Dios re xc'ue' ajuer can, re xbex profeta cha. Y re rutz'iban can reja' ja quire' nubij:
Xtic'ue' c'a jun ache chupan jun lugar re anche' manak vinak re nibex desierto cha,
y ja reja' re xtitzijon re ruch'abal re Dios chiquivach re vinak re xque'bapon riq'uin.
Y xtubila' chique: Tichojmersaj rubey re ic'aslen,
roma re Ajaf#Is 40.3; Lc 1.76; 3.4. xa can nipa-yan.
Quire' nubij re tz'iban can.
4Re tziak re nucusaj re Juan Bautista riq'uin rusumal camello#Zac 13.4. banon-va, y jun tz'um re aconak ximibal-rupan.#2 R 1.8. Y re ruay ja re sac'#Lv 11.22. y re cab#1 S 14.25. re niquiya' ch'utak chicop pa tak k'os.#Mr 1.6. 5Y camas je q'uiy vinak re ye'bapon riq'uin re Juan Bautista. Jec'o que'pa pa tenemit Jerusalén, y jec'o je'pitinak pa tak nic'aj chic tenemit chin re Judea. Y jec'o je'pitinak re jec'o chunakaj re rakan-ya' rubini'an Jordán. Can conojel re vinak re' ye'bapon riq'uin re Juan Bautista. 6Y reja' can ye'ruban-a bautizar re vinak re' chire' pa rakan-ya' Jordán. Can ye'quicholola' c'a re quimac chach re Juan Bautista.
7Y tak reja' xutz'at che je q'uiy chique re achi'a' fariseos y chuka' je q'uiy chique re achi'a' saduceos re ye'bapon riq'uin chin che ye'ruban-a bautizar, reja' xubij chique: Yex can yix ancha'l itzel tak cumatz re yixnumaj chach re ruyoval re Dios re nika pan ive', roma nijo' yixcolotaj chach re namalaj castigo#Ro 5.9; 1 Ts 1.10. re xtutak-pa re Dios re tiempo pitinak. ¿Anchique xbin chiva che quire' tibana'? 8Yex tiene que nic'ut che katzij xjalataj re ic'aslen chach re Dios. 9Man tinojij-ka che xaxe roma yex can yix rey-rumam,#Jn 8.33; Hch 13.26. can re Abraham, mare' xquixcolotaj, man quire-ta. Roma xe-ta re Dios nrajo', hasta re aboj re ye'tz'etela' vova' nuban chique che can-ta ye'oc rey-rumam re Abraham. 10Re castigo re nuya' re Dios nipa-yan. Reja' xtuban ancha'l nuban jun ache re ruc'uan chic ricaj chin che ye'rukasaj re che' re xa manak otz quivach niquiya'. Y ronojel re che' re xque'rukasaj xtunem quik'ak'al.#Mt 7.19; Jn 15.6. 11Y yen, ya' nincusaj chin yiximban bautizar tak nijalataj ic'aslen chach re Dios. Pero c'o c'a Jun re xtipa re tiempo pitinak, re man ancha'l-ta-oc yen. Roma reja' camas-va ruk'ij y ru-poder, mare' yen can man ruc'amon-ta che ninlisaj y ninya' re ruxajab charakan. Re Jun re xtipa, can xquixruban-va bautizar riq'uin re Espíritu Santo#Mr 1.8. y riq'uin k'ak'.#Is 4.4; Mal 3.2; Lc 3.16. 12Y can ancha'l nuban jun ache cha re ru-trigo tak nuban trillar.#Mal 3.3. Y tak xuban-yan trillar nuxipuj rach chin quire' rion re runak' re trigo nic'ue' can y nuyac, y re rij nuparoj. Y ja quire' xtuban re Jun re xtipa, xcha' re Juan. Re Jun re xtipa c'o autoridad pa ruk'a', chin nuban juzgar pa quive' re vinak re jec'o chach re ruch'ulef. Re vinak re ye'niman richin, xque'ruc'uaj chila' chicaj. Jac'a re vinak re man ye'niman-ta richin, xque'rutak chupan re k'ak' re man nichup-ta.#Mal 4.1; Mt 13.30.
Tak re Jesús xban bautizar
13Y tak re Juan ntajin chubanic rusamaj re Dios chire' chuchi' re rakan-ya' Jordán, jare' tak re Jesús xapon riq'uin. Re Jesús c'a pa Galilea#Mt 2.22. pitinak-va. Reja' pitinak chin che niban-a bautizar roma re Juan Bautista. 14Pero re Juan man nrajo-ta nuban bautizar re Jesús, roma nubij cha: Ja yen re ruc'amon che yinaban bautizar y mana-ta yen re xquimbano bautizar avichin rat, xcha' re Juan cha re Jesús.
15Pero re Jesús xubij cha re Juan Bautista: Yoj can ruc'amon che nakaban ronojel re nubij re Dios chaka. Mare' vocame nic'atzin che rat yinaban bautizar. C'ajare' tak re Juan Bautista xuban bautizar re Jesús.#Dn 9.24.
16Y tak re Jesús banon chic bautizar, xel-pa pa ya'. Y reja' xutz'at che re rocaj xjakataj#Lc 3.21. y xutz'at chuka' che re Espíritu Santo chin re Dios nika-pa pa rue' ancha'l jun paloma. Can choj xka-pa pa rue' reja'.#Is 11.2; Mr 1.10. 17Y xc'axataj re nibex-pa chila' chicaj:#Jn 12.28. Jare' re Nuc'ajol,#Sal 2.7. y yen camas ninjo' y yinqui'cot riq'uin.
Aktualisht i përzgjedhur:
Mateo 3: cakY
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2012, Wycliffe Bible Translators, Inc. All rights reserved.