Luke 5:12-13

ကိုယ်တော်ယေရှုက မြို့တစ်မြို့မာဟိနီစဉ် ယင်းမြို့မာ အနာကြီးရောဂါစွဲကပ်နီသူ ယောက်ကျားတစ်ယောက်ဟိလီရေ။ သူက ကိုယ်တော်ကို မြင်ရေခါ သူ၏ရှိ့မာ ဒူးထောက် ဖပြားဝပ်ပနာ “အသျှင်၊ အသျှင်ရာ ဆန္ဒဟိတော်မူကေ ကျွန်တော့်ရောဂါကို သန့်စင်လားအောင် ကုသပီးနိုင်ပါရေ” လို့ တောင်းပန်လီရေ။ ယေခါ ကိုယ်တော်က သူ၏လက်ကိုဆန့်ပနာ ယင်းသူ့ကို တို့ပြီးကေ “ငါ အလိုဟိရေ၊ သန့်စင်စီ” လို့ မိန့်တော်မူလိုက်စွာနန့် ဒိဌလက်ငင်း ယင်းသူ၏ရောဂါမာ သန့်စင်လားလီရေ။