Gimpuunan 5
5
Kay manga Linahi ni Adam
(1 Kru. 1:1-4)
1Inda ti isinurat pag tultulanun tungkul sa linahi ni Adam.
Pagka linalang Diyus ti tawu, binwat niya inda ga kay histuda. 2Linalang niya ti lalaki hanggan ti babayi, pinapaladan niya sida ag iningarnan “tawu”.
3Pagka 130 ka timpu yi si Adam, ainanak kay anak ga kay histuda. Pinaingarnan niya inda Sit. 4Pagka ainanak si Sit, nabuhi waya si Adam 800 timpu ag nadugangan waya kay manga anak. 5Namatay siya sa idad 930 ka timpu.
6Pagka 105 ka timpu yi si Sit, ainanak kay anak lalaki si Inus. 7Ati ginan sa kay pagkaanak sa kan Inus, nabuhi waya si Sit 807 ka timpu ag nadugangan waya kay manga anak. 8Namatay siya sa idad 912 ka timpu.
9Pagka 90 ka timpu yi si Inus, ainanak kay anak lalaki si Kinan. 10Pagka nianak si Kinan, nabuhi waya si Inus 815 ka timpu ag nadugangan waya kay manga anak. 11Namatay siya sa idad 905 ka timpu.
12Pagka 70 ka timpu yi si Kinan, ainanak kay anak lalaki si Mahalalil. 13Pagka nianak si Mahalalil, nabuhi waya si Kinan 840 ka timpu ag nadugangan waya kay manga anak. 14Namatay siya sa idad 910 ka timpu.
15Pagka 65 ka timpu yi si Mahalalil, ainanak kay anak lalaki si Harid. 16Pagka nianak si Harid, nabuhi waya si Mahalalil 830 ka timpu ag nadugangan waya kay manga anak. 17Namatay siya sa idad 895 ka timpu.
18Pagka 162 ka timpu yi si Harid, ainanak kay anak lalaki si Inuk. 19Pagka nianak si Inuk, nabuhi waya si Harid 800 ka timpu ag nadugangan waya kay manga anak. 20Namatay siya sa idad 962 ka timpu.
21Pagka 65 ka timpu yi si Inuk, ainanak kay anak lalaki si Matusalim. 22-24Pagka nianak si Matusalim, nabuhi waya si Inuk 300 ka timpu ag nadugangan waya kay manga anak. Tunda katpung, marapakiusa si Inuk sa Diyus. Manga 365 ka timpu yi siya kay nadura, dahil bin-ul siya Diyus.#5:22-24 dahil bin-ul siya Diyus: Kay ibug sabihun, bin-ul siya buhi.
25Pagka 187 ka timpu yi si Matusalim, ainanak kay anak lalaki si Lamik. 26Pagka nianak si Lamik, nabuhi waya si Matusalim 782 ka timpu ag nadugangan waya kay manga anak. 27Namatay siya sa idad 969 ka timpu.
28Pagka 182 ka timpu yi si Lamik, ainanak kay anak lalaki. 29Magkun siya, “Inda kang anak makaawat sa kanta sa manga kakurian nita sa magtarabahu sa sinaadan Panginuun pag daga, nakan ingarnan niku siya Nuwi.”#5:29 Nuwi: Mahimu kay ibug sabihun sa Hibriyu, makaawat; ngatay, makapabisug. 30Pagka ainanak si Nuwi, nabuhi waya si Lamik 595 ka timpu ag nadugangan waya kay manga anak. 31Namatay siya sa idad 777 ka timpu.
32Pagka 500 timpu yi si Nuwi, ainanak kay manga anak lalaki sida ni Sim, ni Kam, ag ni Hapit.
Aktualisht i përzgjedhur:
Gimpuunan 5: HNN
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Copyright © 2023 by OMF International, Philippines