ZOTI mbretëron, le të gëzojë toka! Le të ngazëllejnë ujdhesat e shumta! Reja e terri e mbështjellin, drejtësia dhe e drejta themeli i fronit të tij. Zjarr para tij, armiqtë rreth e qark i djeg. Vetëtimat e tij ndriçojnë botën; e sheh toka e trandet! Si dylli shkrihen malet para ZOTIT, para Zotit të mbarë tokës. Qiejt shpallin drejtësinë e tij, të gjithë popujt kundrojnë lavdinë e tij. U turpërofshin të gjithë ata që shtatoret adhurojnë, ata që me idhujt mburren! Adhurojeni Zotin gjithë ju perënditë! E dëgjoi Sioni e u gëzua, bijat e Judës u ngazëlluan, për gjykimet e tua, o ZOT. Se ti, o ZOT, je i Tejlarti mbi tërë tokën, ti u lartësove shumë më tepër se gjithë perënditë. O ju, që e doni ZOTIN, urrejeni të keqen! Ai i ruan shpirtrat e besnikëve të tij e prej dorës së të paudhëve i çliron. Drita lindi për të drejtin e gëzimi për zemërdrejtët. Ngazëlleni, o të drejtë, në ZOTIN, kujtoni e lavdëroni shenjtërinë e tij!
Lexo Psalmet 97
Ndaje
Krahaso të gjitha versionet: Psalmet 97:1-12
Ruaj vargjet, lexo pa lidhje interneti, shiko klipe mësimore dhe më shumë!
Kreu
Bibla
Plane
Video