Psalmet 26

1Psalm i Davidit.

Jepmë të drejtë, o Zot,

se jetoj me ndershmëri.

Në Zotin kam besim

e s'kam për t'u lëkundur.

2Hetomë, o Zot, e provomë,

mendjen#26.2 he. veshkat dhe zemrën m'i shqyrto.

3Mirësinë tënde e kam parasysh,

në besnikërinë tënde jetoj.

4Nuk kuvendoj me njerëz të pavërtetë,

me shtiracakë nuk bëj shoqëri.

5Tubimet e të këqijve i urrej,

me të paudhët nuk ulem.

6Duart i laj në pafajësi

e rreth altarit tënd sillem, o Zot,

7që të shpall me zë të lartë lavdinë tënde,

e të kumtoj të gjitha mrekullitë e tua.

8O Zot, e dua tempullin ku banon ti

dhe vendin ku prehet lavdia jote.

9Mos e hidh tej shpirtin tim me të paudhët

e as jetën time me gjakatarët.

10Me duar bëjnë paudhësi,

të djathtën e mbushin me mita.

11Por unë jetoj me ndershmëri,

shpengomë e mëshiromë.

12Këmba ime shkel në udhë të drejtë,

mes bashkësisë do ta bekoj Zotin.

Aktualisht i përzgjedhur:

Psalmet 26: AL1

Thekso

Ndaje

Copy

A doni që theksimet tuaja të jenë të ruajtura në të gjitha pajisjet që keni? Regjistrohu ose hyr

Vargje biblike të njohura nga
Psalmet 26