Marku 8:10-13

Ai hipi menjëherë në varkë bashkë me dishepujt e shkoi në krahinën e Dalmanutës. Atëherë erdhën farisenjtë e filluan të diskutonin me të. Ata i kërkonin një shenjë nga qielli për ta vënë në provë. Jezui psherëtiu thellë e tha: «Përse kjo brezni kërkon një shenjë? Me të vërtetë po ju them se kësaj breznie nuk do t'i jepet asnjë shenjë». Pastaj u largua prej tyre, hipi në varkë dhe kaloi në bregun tjetër.