Genesi 49:24-25

Aholu wulaho waye, wu simamide gu tiya ni misivba nya mawogo yaye yi simamide ni tshivba, khu kotani ya Muvhikeli wa Jakobe, Muhavisi ni Giwindri gya Israyeli. Khu Tshivba ya Nungungulu wa babe wago, a na khalago muemeli wago; ni Nungungulu nya Tshivba Yatshavbo a na bani ari gikategiso gyago, khu sikategiso sa vbatshani ndzadzini; ni sikategiso sa guetani vbavbatshi nya mafu, khu sikategiso sa maveleni ni mahembeni!