1 Mose 16
16
1Agbe̱ne̱ Sarai, Abram ṅã le̱, fe̱ko lolo; ši eye̱ weyō Mizraimyō ko ni egbe̱i dši Hagar.
2Ni Sarai kē̱ Abram akē̱: Na, Iehowa etšĩmi fo̱mo̱ gbē̱; nohewo̱ le̱ ya miweyō le̱ ṅõ; ši ekole̱ maná bii ke̱-adše̱ emli. Ni Abram bo Sarai gbē toi. 30,3. 9. 1 Kor. 7,2.
3Ni Abram ṅã Sarai le̱ ṅõ Mizraimyō Hagar, eweyō le̱, ehā ewù Abram gblã, beni Abram eye afii nyoṅma ye̱ Kanaan šikpoṅ le̱ no̱ le̱.
4Ni eba Hagar ṅõ, ni ená mũsũ; ši beni ena ake̱ ehĩe mũsũ le̱, ewura le̱ he guo̱ gbo ye̱ ehĩe.
5Ke̱ke̱ ni Sarai kē̱ Abram ake̱: Mihĩegbẽle ne̱ aakã ono̱! Miṅõ miweyō le̱ miwo omliši; ni beni ena ake̱ ehĩe mũsũ le̱, mihe guo̱ egbo ye̱ ehĩe. Iehowa aakodšo mike̱o teṅ!
6Ši Abram kē̱ Sarai ake̱: Na, oweyō le̱ ye̱ odeṅ; femo̱le̱, bo̱ni sa ohĩe. Ni beni ebaäle̱ ši le̱, edšo foi ye̱ ehĩe.
7Ni Iehowa bo̱fo le̱ nale̱ ye̱ nubu ko he ye̱ ṅã le̱ ne̱, ye̱ Sur gbe̱ le̱ ne̱ nubu le̱ he.
8Ni ekē̱le̱ ake̱: Hagar, Sarai weyō, nẽgbe̱ odše̱, ni nẽgbe̱ hũ oyaä? Ni ekē̱: Miwura Sarai hĩe midšoo̱ foi ye̱ ne̱.
9Ni Iehowa bo̱fo le̱ kē̱le̱ ake̱: Kū ose̱ ke̱-ya owura le̱ ṅõ, ni oba ohe ši ohãle̱.
10Ni Iehowa bo̱fo le̱ sā kē̱le̱ ake̱: Fá mahã osešibii afá babaõ, bo̱ni anyẽṅame̱ akane. 17,20.
11Ni Iehowa bo̱fo le̱ sā kē̱le̱ ake̱: Na, ohĩe mũsũ, ni obafo̱ binū; ni ootšē̱ egbē̱i akē̱ Išmael, edšakē̱ Iehowa enu omane le̱.
12Ni e̱etšṍ gbomo ní tamo̱ ṅãṅ tedši; enine aakã mofẽmo he, ni mofẽmo nine aakã ehe; ni eehĩ ši ye̱ enyemimei le̱ fẽ hĩe. 25,18.
13Ni etšē̱ Iehowa ni ke̱le̱ wie le̱ gbe̱i ake̱: Bo dši Mawu ni naämi! Edšake̱ ekē̱: Ani bie̱ ne̱ hũ mikwe̱ moni naämi le̱ yi se̱ lo?
14Nohewo̱ le̱ atšé̱ ne̱ke̱ nubu ne̱ ake̱ hĩekãlo̱ ni naämi le̱ nubu; na, eye̱ Kadeš ke̱ Bared teṅ. 24,62: 25,11.
15Ni Hagar ke̱ Abram fo̱ binū; ni Abram wo ebi ní Hagar fo̱ le̱ gbe̱i ake̱ Išmael.
16Ni Abram eye afii nyoṅmai-kpānyo̱ ke̱ ekpa, beni Hagar ke̱le̱ fe̱ Išmael le̱.
Aktualisht i përzgjedhur:
1 Mose 16: GBV96
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
The Bible in Ga © Bible Society of Ghana, 1896, 1992.