Génesis 10
10
Noépa tsurinkunapita miraqkuna
1 Crónicas 1.5-23
1Kaychömi qelqaraykan Noépa tsurinkunapita y paykunapita miraqkunapitapis.
Noépa tsurinkunami karqan Sem, Cam y Jafet. Diluviupitaraqmi paykunapa tsurinkuna yurirqan.
2Jafetpa tsurinkunami karqan Gomer, Magog, Madai, Javán, Tubal, Mesec y Tiras.
3Gomerpa tsurinkunami karqan Askenaz, Rifat y Togarma.
4Javánpa tsurinkunami karqan Elisa, Tarsis, Quitim y Dodanim. 5Lamar kuchunpa aywarmi tsay runakuna nacionkuna kananpaq atskaman mirarqan. Cada nacionchömi kikinkunapa idiömanta parlapäkuq.
6Campa tsurinkunami karqan Cus, Mizraim, Fut y Canaán.
7Cuspa tsurinkunami karqan Seba, Havila, Sabta, Raama y Sabteca. Raamapa tsurinkunami karqan Seba y Dedán.
8Nimrodpis Cuspa tsurinmi karqan. Paymi kay patsacho mas puntata munaynincho runakunata tsarararqan. 9Nimrodmi Tayta Dios yanapaptin jirka uywakunata tsariyta yacharqan. Tsaymi pipis jirka uywakunata ali tsariq kaptin nipäkuq: <<Nimrodnömi jirka uywakunata tsariyta yachan>>.
10Nimrod mandashqan jatun markakuna karqan Babel, Erec, Acad y Calne. Tsay markakunaqa Sinarchömi karqan. 11Tsaypitami Asur partiman aywar sharkatsirqan Nínive, Rehobot y Cala markakunata. 12Tsaynöpis sharkatsirqan Resén jatun markata. Tsay markaqa karqan Nínivipita Calaman pasaq nänichömi.
13Mizraimpita miraqkunami kaykan ludeo runakuna, anameo runakuna, lehabita runakuna, naftuhita runakuna, 14patruseo runakuna, casluhíta runakuna y caftorita runakuna. Caftorita runakunapitami filisteo runakuna mirarqan.
15Canaánpa qechpa tsurinmi karqan Sidón. Paypa shulkanmi karqan Het. 16Canaánpita miraqkunami kaykan jebuseo runakuna, amorreo runakuna, gergeseo runakuna, 17heveo runakuna, araceo runakuna, sineo runakuna, 18arvadeo runakuna, zemareo runakuna y hamateo runakuna. Tsay runakunaqa cananeo runakunami karqan. Paykunami atskaman mirashpan maytsaymanpis mashtakarqan. 19Tsaymi cananeo runakunapa lindërun karqan Sidón markapita hasta Gaza cercancho kaq Gerar markayaq. Tsaynöpis lindërun pasarqan Sodoma, Gomorra, Adma y Zeboim markakunapa hasta Lasayaqmi.
20Paykunami karqan Campa tsurinkunapita miraqkuna. Tsay runakunami nacionkuna kananpaq atskaman mirapäkurqan. Cada nacionninchömi kikinkunapa idiömanta parlapäkuq.
21Jafetpa mayor wawqin Sempapis tsurinkuna karqanmi. Semqa Heberpa y Heberpita miraqkunapa unay aylunmi karqan. 22Sempa tsurinkunami karqan Elam, Asur, Arfaxad, Lud y Aram.
23Arampa tsurinkunami karqan Uz, Hul, Geter y Mas.
24Arfaxadpa tsurinmi karqan Sala. Salapa tsurinmi karqan Heber. 25Heberpa tsurinkuna karqan ishkaymi. Qechpa tsurinpa jutinmi karqan Peleg.#10.25 Peleg ninanqa rakikashqa ninanmi. Tsaynöqa jutin karqan pay kawanan witsan runakuna chikinakur wakpa kaypa aywakushqanpitami. Shulka kaq tsurinpa jutinnami karqan Joctán.
26Joctánpa tsurinkunami karqan Almodad, Selef, Hazar-mavet, Jera, 27Adoram, Uzal, Dicla, 28Obal, Abimael, Seba, 29Ofir, Havila y Jobab. Paykunami karqan Joctánpa tsurinkuna. 30Paykunami tarqan Mesapita hasta Sefaryaq. Sefarqa kaykan inti jeqamunan lädupa jalqakuna kashqanchömi.
31Paykunami karqan Sempa tsurinkunapita miraqkuna. Tsay runakunami nacionkuna kananpaq atskaman mirapäkurqan. Cada nacionninchömi kikinkunapa idiömanta parlapäkuq.
32Tsaynömi karqan Noépa tsurinpita miraqkuna. Diluviupitaraqmi paykuna maytsaypapis aywashpan nacionninkunata rurapäkurqan.
Aktualisht i përzgjedhur:
Génesis 10: qvmB
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2003, Wycliffe Bible Translators, Inc. All rights reserved.