ꞌPai sia ꞌmướng 14

Pua ꞌmướng Ê‑díp pay sắp au ꞌcốn ꞌI‑ꞌsa‑ên

1Chảu ꞌPhạ ꞌGiê‑ꞌhô‑ꞌva sắng ꞌMô‑ꞌsê máư: 2“Bók hảư ꞌpứng ꞌcốn ꞌI‑ꞌsa‑ên ꞌcứn pay ꞌdặng dú chăm bản Pi‑ꞌha‑ꞌhi‑ꞌlột, nẳng váng cang bản ꞌMịch‑đôn kéng ꞌnặm#bể, tó nả bản Ban‑ꞌsê‑ꞌphôn, chăm ꞌhím ꞌnặm#bể. 3Pua ꞌmướng Ê‑díp ꞌcọ ꞌchí ngắm#ꞌva ꞌcốn ꞌI‑ꞌsa‑ên lông ꞌtáng ỏm pay ỏm ꞌmá nẳng ꞌtông ꞌlẹng#dú. 4ꞌHáu ꞌchí ꞌdệt hảư pua chaư kheng ca‑đảng ꞌlẹo ꞌchí ꞌmá sắp au ꞌcốn ꞌI‑ꞌsa‑ên, ꞌchí pên ꞌluống hảư ꞌháu đảy ꞌmí ꞌchư siêng ꞌpẹ pua kéng ꞌpứng lính#pua. ꞌChớ ꞌnặn ꞌcốn Ê‑díp chắng ꞌchí ꞌhụ chẻng#ꞌva, ꞌháu ꞌmen Chảu ꞌPhạ ꞌGiê‑ꞌhô‑ꞌva ꞌtẹ.”

ꞌSướng ꞌnặn ꞌpứng ꞌcốn ꞌI‑ꞌsa‑ên chắng ꞌcứn ꞌmứa ꞌdặng nẳng bón Chảu ꞌPhạ ꞌGiê‑ꞌhô‑ꞌva bók#ꞌnặn.

5ꞌMưa ꞌchớ pua ꞌmướng Ê‑díp ꞌhụ ꞌhiạk ꞌcốn ꞌI‑ꞌsa‑ên đảy ꞌpai khói sia#ꞌlẹo, pua ꞌtếng#cá ꞌpứng ꞌcốn téng đa ꞌtoi pua ꞌdiến piến#chaư, ꞌlẹo ổ căn#ꞌva, “ꞌHáu đảy tốc ꞌchạ ꞌdệt ꞌnéo báu#ꞌchọ#ꞌdệt. ꞌHáu hảư ꞌcốn ꞌI‑ꞌsa‑ên ꞌtứ ꞌtang ꞌpai#sia, báu#đảy pên khỏi ꞌháu ꞌsướng#cáu.”

6ꞌSướng ꞌnặn pua chắng sắng au se ꞌmạ ꞌtếng#cá binh lính ók ꞌtáng#pay. 7Pua au 600 bẳng se ꞌmạ ꞌnéo đi kéng se ꞌmạ ứn ꞌtếng#cá mết nẳng ꞌmướng Ê‑díp, mỏi bẳng ꞌcọ ꞌmí phủ cốc khí pay#ꞌtoi. 8ꞌCốn ꞌI‑ꞌsa‑ên ꞌtứ ꞌtang ꞌpai ók sia ꞌmướng Ê‑díp báu#dản#săng. Chảu ꞌPhạ ꞌGiê‑ꞌhô‑ꞌva ꞌdiến ꞌdệt hảư ꞌPha‑ꞌlô pua ꞌmướng Ê‑díp ꞌmí chaư kheng ca‑đảng pay sắp au ꞌcốn ꞌI‑ꞌsa‑ên. 9Binh lính ꞌcốn Ê‑díp ꞌmí ꞌtếng#ꞌmạ, se#ꞌmạ, lính#ꞌmạ, lính#bốc, pay ꞌtoi căn#mết, chắng sắp pay ꞌpọ ꞌcốn ꞌI‑ꞌsa‑ên ꞌdặng dú ꞌhím ꞌnặm bể chăm bản Pi‑ꞌha‑ꞌhi‑ꞌlột, dú tó nả bản Ban‑ꞌsê‑ꞌphôn. 10ꞌCốn ꞌI‑ꞌsa‑ên ꞌlé hên pua au binh lính ꞌmướng Ê‑díp ꞌmá#sắp. Sau dản sắn ꞌdiến khék ꞌhọng khửn so hảư Chảu ꞌPhạ ꞌGiê‑ꞌhô‑ꞌva ꞌchoi. 11Sau đá ꞌtan ꞌMô‑ꞌsê ꞌva, “Chảu chắng ꞌpá ꞌsúm khỏi ꞌpai ók sia ꞌmướng Ê‑díp ꞌmá tai ꞌsướng#ꞌnị. ꞌMướng Ê‑díp báu#ꞌmí đin ꞌpó phăng ꞌsịn#a, chảu chắng ꞌhiạk ꞌpá ꞌsúm khỏi ꞌmá tai đắp nẳng ꞌtông#ꞌlẹng. 12ꞌMưa ꞌnhắng dú cá ꞌmướng Ê‑díp, ꞌcọ đảy bók chảu hảư ꞌváng ꞌsúm khỏi ꞌvạy pên khỏi ꞌcốn Ê‑díp, ꞌvén đi ꞌsứa ók ꞌmá tai nẳng ꞌtông ꞌlẹng#ꞌnị.”

13ꞌTan ꞌMô‑ꞌsê tóp sau ꞌva, “ꞌNhá dản#săng, cứ mẳn chaư thả#bớng. ꞌMự ꞌnị ꞌpứng chảu ꞌchí hên Chảu ꞌPhạ ꞌGiê‑ꞌhô‑ꞌva ꞌchoi hảư ꞌpứng chảu#khói. ꞌCốn Ê‑díp ꞌpứng chảu hên ꞌmá sắp ꞌmự ꞌnị ꞌchí báu#hên sia#lo. 14Chảu ꞌPhạ ꞌGiê‑ꞌhô‑ꞌva hák ꞌchí tó ꞌsốn#tang, hảư ꞌpứng chảu ꞌnhá ꞌnắn#săng.”

15Chảu ꞌPhạ ꞌGiê‑ꞌhô‑ꞌva sắng ꞌMô‑ꞌsê máư: “Chảu ꞌnhá khék ha ꞌháu#ꞌtọn, cứ bók hảư ꞌcốn ꞌI‑ꞌsa‑ên pay#nả. 16Hảư chảu ꞌnhống ꞌmạy ꞌtạu pay sáư ꞌnặm#bể, hảư ꞌnặm ꞌpạk ók sia căn hảư hên đin pên cang ꞌtáng kháư hảư ꞌcốn ꞌI‑ꞌsa‑ên ꞌnhang khảm pay#đảy. 17ꞌHáu ꞌchí ꞌdệt hảư ꞌcốn Ê‑díp chaư kheng ꞌlẹo ꞌchí khảm pay sắp au ꞌcốn ꞌI‑ꞌsa‑ên. ꞌHáu ꞌchí au ꞌchư siêng ꞌmá sú#ꞌháu, ꞌdệt hảư ꞌpẹ pua kéng ꞌpứng#lính, ꞌtếng#cá ꞌpứng se ꞌmạ cắp ꞌpứng lính#ꞌmạ#ꞌnặn. 18ꞌHáu ꞌpẹ sau mết#ꞌlẹo, ꞌcốn Ê‑díp chắng ꞌchí ꞌhụ chẻng#ꞌva, ꞌháu ꞌmen Chảu ꞌPhạ ꞌGiê‑ꞌhô‑ꞌva ꞌtẹ.”

19ꞌLẹo tiên ꞌchạư Chảu Pua ꞌPhạ phủ pay cón ꞌphắn ꞌcốn ꞌI‑ꞌsa‑ên ꞌdiến ók ꞌmá dú phái#lăng. Lắc piếng phả dú ꞌtáng nả ꞌcọ ꞌdiến ꞌnhại ꞌmá ꞌtáng lăng ꞌpứng#sau. 20Lắc piếng phả nẳng cang váng ꞌcốn Ê‑díp cắp ꞌcốn ꞌI‑ꞌsa‑ên, ꞌdệt hảư ꞌtáng ꞌcốn Ê‑díp ꞌmựt, ꞌlẹo ꞌtáng ꞌcốn ꞌI‑ꞌsa‑ên lỏ#ꞌhung. ꞌSướng ꞌnặn ꞌtếng song phái chắng báu#khảu chăm căn đảy mết#ꞌcứn.

Chảu ꞌPhạ ꞌGiê‑ꞌhô‑ꞌva hảư ꞌlốm ꞌpạk ꞌnặm bể ók hảư pên cang ꞌtáng pay đảy

21ꞌLẹo ꞌtan ꞌMô‑ꞌsê chắng khắm ꞌmạy ꞌtạu ꞌnhống pay sáư ꞌnặm#bể. Chảu ꞌPhạ ꞌGiê‑ꞌhô‑ꞌva ꞌdiến hảư ꞌlốm ꞌhéng ꞌpặt ꞌtáng ta ꞌvến ók ꞌmá hảư ꞌnặm bể ꞌpạk ók pên song phái mết#ꞌcứn, pên cang ꞌtáng pay#đảy. 22ꞌCốn ꞌI‑ꞌsa‑ên chắng khảm pay ꞌtoi sểm ꞌtáng kháư cang ꞌnặm#bể, ꞌnặm ꞌpạk ók pên pha cẳn ꞌvạy ꞌtếng ꞌphượng khoa ꞌphượng#ꞌsại. 23ꞌCốn Ê‑díp ꞌtếng#cá se cá#ꞌmạ, lính ꞌmạ khong pua ꞌmướng Ê‑díp ꞌcọ sắp sau khảu pay ꞌhọt cang ꞌnặm#bể. 24Khỏn ꞌchí#ꞌhung, Chảu ꞌPhạ ꞌGiê‑ꞌhô‑ꞌva dú nẳng lắc piếng phả peo#ꞌpháy, bớng ꞌlống ꞌlé hên binh lính ꞌcốn Ê‑díp ꞌdiến ꞌdệt hảư sau nhủng ték ꞌphựn#khửn. 25ꞌTan chảu ꞌdệt hảư ꞌcuống se ꞌmạ khong sau ꞌcá đin ꞌpống ꞌcón ók pay báu#đảy. ꞌCốn Ê‑díp ꞌdiến bók căn#ꞌva, “Hảư ꞌháu ók sia ꞌcốn ꞌI‑ꞌsa‑ên, ꞌpưa#ꞌva Chảu ꞌPhạ ꞌGiê‑ꞌhô‑ꞌva ꞌtặp sủ ꞌháu tang#sau.”

26Chảu ꞌPhạ ꞌGiê‑ꞌhô‑ꞌva sắng ꞌMô‑ꞌsê máư: “Hảư khắm ꞌmạy ꞌtạu ꞌnhống pay sáư ꞌnặm bể ꞌpưa hảư ꞌnặm lay ꞌcứn ꞌmá thuổm ꞌlạo au ꞌcốn Ê‑díp ꞌtếng#cá se#ꞌmạ lính#ꞌmạ sau#sia.”

27ꞌSướng ꞌnặn ꞌtan ꞌMô‑ꞌsê chắng khắm ꞌmạy ꞌtạu ꞌnhống pay sáư ꞌnặm#bể. ꞌHung#ꞌmá, ꞌnặm ꞌdiến lay ꞌcứn ꞌsướng#cáu. ꞌCốn Ê‑díp ꞌphạo táo ꞌcứn ꞌdiến ꞌpọ ꞌnặm lay ꞌmá thuổm#au, Chảu ꞌPhạ ꞌGiê‑ꞌhô‑ꞌva hảư ꞌnặm ꞌmá ꞌlạo thuổm au sau sia#mết. 28ꞌNặm lay ꞌcứn ꞌmá thuổm au sau ꞌtếng#cá se#ꞌmạ, lính#ꞌmạ, ꞌtếng#cá binh lính pua sắp ꞌcốn ꞌI‑ꞌsa‑ên pay ꞌhọt cang ꞌnặm bể#ꞌnặn, ꞌcốn#ꞌnưng ꞌcọ báu#ꞌnhắng. 29Hák#ꞌva ꞌcốn ꞌI‑ꞌsa‑ên lỏ#khảm pay khói ꞌtoi sểm ꞌtáng kháư cang ꞌnặm#bể, ꞌnặm pên pha cẳn ꞌvạy ꞌtếng ꞌphượng khoa ꞌphượng#ꞌsại. 30ꞌMự ꞌnặn Chảu ꞌPhạ ꞌGiê‑ꞌhô‑ꞌva ꞌchoi ꞌcốn ꞌI‑ꞌsa‑ên ók khói sia ꞌcốn Ê‑díp. ꞌCốn Ê‑díp tai ꞌphú lom ꞌhím ꞌnặm bể hảư ꞌcốn ꞌI‑ꞌsa‑ên hên. 31ꞌCốn ꞌI‑ꞌsa‑ên hên phép nháư Chảu ꞌPhạ ꞌGiê‑ꞌhô‑ꞌva ꞌpẹ ꞌcốn Ê‑díp ꞌsướng#ꞌnặn, sau chắng ꞌhụ nể dăm pông chaư ꞌchưa ꞌTan#chảu, ꞌchưa ꞌtếng#cá ꞌtan ꞌMô‑ꞌsê phủ ꞌkhớng ꞌviạk ꞌTan chảu ꞌnặn#é.

Aktualisht i përzgjedhur:

ꞌPai sia ꞌmướng 14: bltTDM

Thekso

Ndaje

Copy

A doni që theksimet tuaja të jenë të ruajtura në të gjitha pajisjet që keni? Regjistrohu ose hyr

Mësoni më shumë rreth versionit Tai Dam

ꞌPai sia ꞌmướng 14

Vargje biblike të njohura nga
ꞌPai sia ꞌmướng 14

Bibla:

Tai Dam

Versioni: Tai Dam - bltTDM