ಯೋಹಾನ ಮುನ್ನುಡಿ
ಮುನ್ನುಡಿ
ಯೋಹಾನ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ ಇದ್. ಈ ಪುಸ್ತಕ ಯೇಸು ನಿತ್ಯವಾನ ದೇವಡ ತಕ್ಕ್‍ೕಂದು, ಅಂವೊ ನಂಗಡಲ್ಲಿ ಮನುಷ್ಯನಾಯಿತ್ ಬದ್‍ಕ್‍ಚೀಂದು ನಂಗಕ್ ಕಾಟಿತಪ್ಪ. ಈ ಪುಸ್ತಕತ್‍ನ ಓದ್‍ವಯಿಂಗಕ್ ಯೇಸು ನಿತ್ಯವಾನ ರಕ್ಷಕಾಂದು, ಅಂವೊ ದೇವಡ ಮೋಂವೋಂದು ಪಿಂಞ ಅಂವೊನ ನಂಬುವಯಿಂಗಕ್ ನಿತ್ಯ ಜೀವ ಕ್‍ಟ್ಟ್‌ವಾಂದು ಉಳ್ಳ ಸತ್ಯ ಗೊತ್ತಾಪ.
ಈ ಪುಸ್ತಕತ್‍ರ ಆದ್ಯ ಬಾಗತ್‍ಲ್, ಯೇಸು ಮಾಡ್‍ನ ನಾನಾತರ ಅದ್ಬುತ ಕಾರ್ಯತ್‍ನ ಕಾಂಬಕಾಪ. ಇದ್ಂಡ ದಂಡನೆ ಬಾಗತ್‍ಲ್, ಯೇಸುರ ಬೋದನೆನ ಪಡಿಪಕ್ ಕಯ್ಯು. ಇದ್ಂಡ ಆಕೀರ್ ಬಾಗತ್‍ಲ್ ಯೇಸುರ ಚಾವ್ ಪಿಂಞ ಅಂವೊ ಜೀವವಾಯಿತ್ ಎದ್ದಿತ್ ಬಪ್ಪ ವಿಷಯತ್‍ನ ಕಾಂಬಕ್ ಕಯ್ಯು.
ಯೇಸುನ ನಂಬುವಯಿಂಗಕ್ ನಿತ್ಯ ಜೀವ ಉಂಡ್‍ೕಂದು, ಅಂವೊನೇ ನೇರಾನ ಜೀವ ಜಲ, ನೇರಾನ ಒಟ್ಟಿ, ನೇರಾನ ಬೊಳಿ, ನೇರಾನ ಕೊರಿ ಕಾಪಂವೊ, ನೇರಾನ ದ್ರಾಕ್ಷಿ ಬಳ್ಳಿ, ನೇರಾನ ಪಡಿ ಪಿಂಞ ನೇರಾನ ಬಟ್ಟೆ, ಸತ್ಯ ಪಿಂಞ ಜೀವಾಂದ್ ಅಂವೊಂಡ ವಿಷಯತ್ ವಿವರಿಚಿಡುವ.
ಆದ್ಯ ವಿವರ 1.1–1.18
ಯೋಹಾನ ಪಿಂಞ ಯೇಸುರ ಆದ್ಯ ಶಿಷ್ಯಂಗ 1.19–1.51
ಯೇಸು ಎಲ್ಲಾಡ ಮಿಂಞ ಮಾಡ್‍ನ ಸೇವೆ 2.1–12.50
ಯೇಸುರ ಆಕೀರ್ ಸಮಯ 13.1–19.42
ಯೇಸು ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಪ್ಪದ್ 20.1–31
ಯೇಸು ತಾಂಡ ಶಿಷ್ಯಂಗಕ್ ಅಂವೊನ ಜೀವವಾಯಿತ್ ಕಾಂಬ್‍ಚಿಟ್ಟದ್ 21.1–25
Aktualisht i përzgjedhur:
ಯೋಹಾನ ಮುನ್ನುಡಿ: ಕೊಡವ
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2017, New Life Literature (NLL)