MATHAIIN 13
13
Vanram rui Ankhina Sari
(Mk 4.1-9; Lk 8.4-8)
1Hava nikhua Isua in ata asuaka tindil kola ansuta. 2Hatuka mitampa a kom ahonga havan han rakuang khata achuanga ansut hatuka mi dora ti kola andinga a om. #Lk 5.1-3 3Hanke aman ankhina na chong atampa hangai rang aril pe.
Chin The le Ankhina
4Aman ei ti, “Chin the pun chi anthe ranga ase. A the han hotukmo chu lam kola achula hava ha va ngai ahonga asak zit. 5Hatuka itukmo chu lung bila achula phil tam maka hava han phil atam ei man nok sika hava ha among lilipa. 6Tenchu ani suakle a ra-ema hatuka arazung ei om nok sika achar biang. 7Hatuka itukmo chu raling bila achula hava han raling kung ansona adel tita asiak. 8Hatuka achi hotukmo chu phil asana achula anrana mun raza, mun somaruk le mun somanthuma apung.”
9“Kuar anei takin re rase!” Isuan ati.
Ankhina Asik
(Mk 4.10-12; Lk 8.9-10)
10Hava suale a zolai ngaiin ahong dep u na arakel u, “Ichangmo ankhina le amani kom chong nei ril?” ati u na. 11Aman a masanga, “Vanram rui anthuk ngai na kom u na anriat ani zei amani chu pe mak. 12Asik chu adon tak chu anpesa inti hanuk sap inti tenchu donlui tak ama ei nei selep um akom ata anlan ti. #Mt 25.29; Mk 4.25; Lk 8.18; 19.26 13Hava sik han ankhina le kei na ril u. Asik chu amani hi a enam mu u mak, a rangaiam re u mak hanuk tuak u mak. 14Hatuka amani rang hi Isai in ei ril ei kip: #Isa 6.9-10 (LXX)
‘Nangnin rangaia re un na ti tenchu tuak pial u no ta ni;
hatuka ena mu un na ti tenchu re pial u no ta ni.
15Asik chu hiva mi ngai a malung ril abui ei ni u,
anngaina rang akuar u aset ke ni zei,
hatuka amani amit u anthim ani zei,
Hanokten, amanin mit le mu na,
hatuka kuar le riata,
malunga tuaka hatuka kira honga lei mandam lam u ning.’
16“Tenchu na mit u chanasa, asik chu hava amu hatuka na kuar um asik chu hava ha ariat. #Lk 10.23-24 17Asik chu ataka kei na ril ani u zei nangnin nei mu u ngai hi Deari le minzik tamtakin amu rang ei zota muthei u mak hatuka nangnin nei rangai u ngai anngai rang ei zot u na rangai thei u mak.
Chin The rui Ei Ril
(Mk 4.13-20; Lk 8.11-15)
18“Hasik han nangnin chin thepu ankhina rangai u ro. 19Min ha ram ruia rangai le achong ariat nok ten hava han ratha sia a honga a malunga anling ngai ha hava ha a maruk hava ha lampuia chul. 20Hatuka lunga chul ha hava ha chong ariata raisana apom tenchu a malunga razung abui hun atom te angir. 21Nukhona ha chong sika antak le annotna atong le a malung aduk. 22Hatuka raling bila chul hiva hi. Hiva chong ei riat hatuka ramual malung le nei lungkhamin, ha chong adel tita hava han mara don mak. 23Hatuka phil asana chul hiva hi. Hiva chong a rangai hava ha ariat ama ha laklaka anra let raza hotukinmo somaruk hotukinmo somanthum mara adon.”
Chiak Kung le Ankhina
24Hava suale aman hangai kom ankhina khat a masuak reta ei ti, “Vanram ha mikhat le na manrual thei aman a phaia chimuru sa ava ling. 25Tenchu mi in suale anmumak a honga ha bu chi bila chiakru atheka ase viak. 26Nukhona aru monga anra hatik han chiak um anlang. 27Hava han ha a puma suak ngai ahonga ama ha ahong ril, ‘Ka pu, na phaia bu chi sa nimak mo nei va ling hanle chiak kung hovan ata mo ei hong?’ ati u. 28Aman hangai ha ati pe, ‘Ananmumak khat peiin ei hong tho ke ani zei.’ Suak ngaiin ei ti pe, ‘Hano na zot mo koini sena phoi inti?’ 29Aman ati he e, ‘ariat samak chiak kung na phoi u le hava bila bukung um nei phoi u rang ke ati. 30Sang at tenpei aninin anson rase nuka sangat tik a at ngai ha chiak at u tan anhal ranga alo lona khita siak u ro tenchu bu ha ka sasiara hong koi u ro ti ka ti.’ ”
Hoiro Ru le Chol
(Mk 4.30-32; Lk 13.18-19)
31Aman ankhina khat akom u na a masuak reta: “Vanram hi hoiro ru khat ang, mi khatin achoi a phaia ava ling, ati. 32Ru tin ranga ha ru ha asin khit tenchu anson le a suangrua ata ansona va ngai a honga a honga riaka a om u.”
Chol le Ankhina
(Lk 13.20-21)
33Aman hanuk ankhina khat aril pe, “Vanram hi chol le ankhi theia nupang khatin mon anthum vaipoldi a manpola asiaka nukhona chol achang zit,” ati.
Isuan Ankhina Chong Amang
(Mk 4.33-34)
34Hiva chong ngai hi Isuan ankhinana mi kom ei ril ankhina nok anten ite hangai kom ril mak. 35Dearin ei ril hiva chong ei kipna, #Sam 78.2
“Koi ankhina chong le ka mur malong ka ti
ramual achui ata anthup hava
ngai dora manlang ka ti.”
Chiak Kung Ankhina Omzia
36Hava han mi ngai a mathana ina a hong, hatuka a zolai ngai akom a honga ama ha ati pe, “Phaia chiak kung ngai ankhina anthiang vanga na ril ro,” ati pe u.
37Aman a masanga, “Chiru sa aling ha Miring Sapa ati; 38phai ha ramual, chiru sa ha aram nai ngai, chiak kung ha pap ratha nai ngai; 39adui pun ei ling ha ama ha Diabol, a at hun ha hun hek tik, a at ngai vanpalai ngai. 40Hantin han hontinmo chiak ankhoma moia anpai hava ang han hun hek tika ni inti. 41Miring Sapa a vanpalai ngai hong tir inti amanin a ram ata dik lui annim ngai dora rasuang inti. 42Hatuka hangai ha moisumpuia thak inti hava muna chapa a ha arial inti. 43Hava han anzik ngai a pa u rama ani anga a ra-ang el inti kuar a nei takin re rase!
Nei Anthup Rochon
44“Vanram hi phaia nei anthup ang mi khatin amuna athup tita asiak nuka raisan sika a nei ngai dora azuar zita ha phai ha ava rachok.
Lunglu le Ankhina
45“Hanuk vanram hi mi sum anphung khat le anrual rochon a sasa anrok. 46Aman rochon alu khat a muna ase a nei azuar zita hava ha a rachok.
Len Akei
47“Hanuk, vanram chu len akei le anrual tindila ava peia ngatin aluaka. 48Len ha abit le min akeia tanga abanga hatuka ansut chunga asa ngai azena koka asiak asiat ngai a pei zit. 49Hantin han hun hek tika ni inti vanpalai ngai honga minzik ngai bil ata asiat ngai mankhai inti. 50Hatuka hangai ha moisumpuia pei inti hava muna chapa ha arial inti.
Adik le Amarua
51“Hava ngai na riat mo u zei? ati na. Amanin, “O,” ati u.
52Hanke aman ati pena, “Hasik han vanram ruia asadima ariat sua dan minchu ngai chu in puma khatin a sumduk ata neinun athar le amarua ansuakpu ang ani.”
Isua a Khuana Antel mak
(Mk 6.1-6; Lk 4.16-30)
53Hiva ankhina ngai azui suale Isua havan ata ase. 54Hatuka a rama asena mi ngai anchunna ina mi a manchuna hava han anlai u na. “Ama hi hidor mi hian sinthotheina ngai hovan ata mo?” ati u. 55“Thing asinpu naipasal nimak mo a nu raming hi Mari nimak mo? Hanuk Jakob, Joseph, Simon le Juda hi a parual ngai nimak mo? 56Hanuk a sarnu ngai dora hiva hin abui mo? Hanle hovan ata mo ei man hantin han a malung ei zing u?” 57Tenchu Isuan hangai ha, “Aram le a Deari ngai chu a khua le a in rong nok chu mun ateia lalchi manluia om ngai mak,” #Jn 4.44 58Hatuka ei iam u nok sika aman havan tichangabui sin atam tho thei mak.
Aktualisht i përzgjedhur:
MATHAIIN 13: RANGBSI
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.