Kabavelamu 50
50
Iosepa tatanavo nuadi iuyabubunidi
15Iosepa tatanavo iyagovi tamadi gunabeida iwapa beqa kaisedi ivesipupu ivo, “Oge Iosepa kanakapoka inaoqala kida waideye wete inabaivila base tavalabubuna-kapo waineye.” 16Beqa valea ivetuneni Iosepa waineye ivo, “Base tamada giladi meyawaina ivesipupu waimeye ivo, 17‘Iosepa kwavoneni dede mesaida kwanavo: Tamada ivo tatamwavo vakai kapoina ivalabubuni waimue we wayaqigu kudanuataqonidi.’ We kima tamamu na Yaubada waineye kasobwanu beqa kaelaukui waimue makapoina kudanuataqonidi.” Tutuyanina Iosepa vonanina inoqai itaiqa.
18Matautauda tatanavo imai pwayapwaya waineye kaqeneye isobwanu we ivo, “Kukiseni, kima mutolituqavo.”
19We Iosepa tatanavo waidie ivesipupu ivo, “Ge kwaigololo, yau ge Yaubada aikaimatavuloqimi. 20Base komi wayaqimi kwaikavekapoigu, we Yaubada isivilai ikavegiagiamaia beqa tomo'otoqa puedi ge inawapa, we inamiamia meyawaidi mesaida deqoina takisekisedi. 21Beqa ge kwaigololo, natumiavo wete komi aivekisabodebodemi.” No mesaida nuadi iuyabubunidi wete ivesipupu waidie nuataqonaeqa.
Aktualisht i përzgjedhur:
Kabavelamu 50: mzz
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2023 (Active), Wycliffe Bible Translators, Inc. All rights reserved.