Mwanduso 5
5
Welesi wa Adamu
1Uno uwo ludongo lwa welesi wa Adamu. Kwandusila Mulungu viyamulumbile munhu, kamulumba fana yeye mwenyewo, 2Mulungu kawalumba mulume na muke, maabaho kawatemela mate na kaweng'ha zina “Munhu.” 3Adamu viyakalile na miyaka gana na malongo matatu, kapata mwana yoyalingile yeye, yeli na chihanga fana chake mwenyewo na kamtanga zina jake Seti. 4Viyakomeleze kumweleka Seti, Adamu kakala miyaka magana manane na keleka wana wamwenga wa chilume na wa chike. 5Adamu kadanganika na miyaka magana kenda na malongo matatu.
6Seti viyakalile na miyaka gana na tano, kamweleka mwana zina jake Enosi. 7Seti viyamweleke Enosi, kakala miyaka magana manane na saba na keleka wana wamwenga wa chilume na wa chike. 8Seti kadanganika na miyaka magana kenda na longo na midi.
9Enosi viyawile na miyaka malongo kenda, kamweleka mwana zina jake Kenani. 10Enosi viyamalile kumweleka Kenani, kakala miyaka magana manane na longo na tano na kaweleka wana wamwenga wa chilume na wa chike. 11Enosi kadanganika na miyaka magana kenda na mitano.
12Kenani viyakalile na miyaka malongo saba, kamweleka mwana zina jake Mahalaleli, 13maabaho viyamalile kumweleka Mahalaleli kakala na miyaka magana manane na malongo mane na kaweleka wana wamwenga wa chilume na wa chike. 14Kenani kadanganika na miyaka magana kenda na longo.
15Mahalaleli viyakalile na miyaka malongo sita na tano, kamweleka mwana zina jake Yaledi. 16Mahalaleli viyamweleke Yaledi, kakala na miyaka magana manane na malongo matatu, kaweleka wana wamwenga wa chilume na chike, 17Mahalaleli kadanganika na miyaka magana manane na malongo kenda na tano.
18Yaledi viyakalile na miyaka gana na malongo sita na midi, kamweleka mwana zina jake Henoko. 19Maabaho Yaledi viyamalile kumweleka Henoko kakala na miyaka magana manane. Kaweleka wana wamwenga wa chilume na wa chike. 20Na kadanganika na miyaka magana kenda na malongo sita na midi.
21Henoko viyakalile na miyaka malongo sita na mitano, kamweleka mwana zina jake Mesusela. 22Henoko viyamweleke Mesusela kakala kwa kumnogeza Mulungu kwa miyaka magana matatu na kaweleka wana wamwenga wa chilume na wa chike. 23Henoko kakala miyaka magana matatu na malongo sita na mitano. 24Henoko kakala kwa kumnogeza Mulungu maabaho kasegela, kwaviya Mulungu kamsola.
25Mesusela viyakalile na miyaka gana na malongo manane na saba, kamweleka mwana zina jake Lameki. 26Maabaho viyamalile kumweleka Lameki, Mesusela kakala na miyaka magana saba na malongo manane na midi, kaweleka wana wamwenga wa chilume na wa chike. 27Mesusela kadanganika na miyaka magana kenda na malongo sita na kenda.
28Lameki viyakalile na miyaka gana na malongo manane na midi, kamweleka mwana wa chilume. 29Lameki kamtanga mwana iyo zina jake Nuhu, na kalonga, “Mwana ino niyo yondayachigele moyo kwa kulawa muna isang'hano yetu ndala, yochiitenda kwa makono yetu muna iisi yoyaiduwile Mndewa Mulungu.” 30Lameki viyamalile kumweleka Nuhu, kakala na miyaka magana matano na malongo kenda na mitano na kaweleka wana wamwenga wa chilume na wa chike. 31Lameki kadanganika na miyaka magana saba na malongo saba na saba.
32Nuhu viyawile na miyaka magana matano, kaweleka wana watatu, Shemu na Hamu na Yafesi.
Aktualisht i përzgjedhur:
Mwanduso 5: Ching'hwele
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
NT © 2014 Pioneer Bible Translators and The Word for the World
OT © 2019 Pioneer Bible Translators