Vargje biblike të njohura nga Marko 12

Ndaje

Jesu wakavuwa kuti, Mulazyo mupati ngooyu, Komvwa, yebo Israyeli, Jehova ngu-Leza wesu, Jehova ngumwi. Uleelede­ kuyandisya Jehova Leza wako amoyo wako woonse, akumuuya wako woonse, akukuyeeya kwako koonse, akunguzu zyako zyoonse. Awabili ngooyu, Koyandisya mweenzinyoko mbubonya mboliyanda omwini, Taakwe mulazyo umbi uuinda yeeyi.

Mpawo wakaliitila basikwiiya bakwe, wabaambila wati, Ncobeni ndamwaambila kuti oyu nwanakazi mucete wabainda boonse bawaala mali muciyobwedo omu, nkaambo kakuti boonse bali kuwaala mbubonya mbuli bunji bwalubono lwabo, anu walo mubucete bwakwe wawaala zyoonse nzyajisi, mbubuumi bwakwe boonse.

Nkabela naakakede kumbali aciyobwedo cazitambiko, wakali kweebelela bantu mbobakali kuwaala mali muciyobwedo. Bavubi banji bakali kuwaala mali manji. Lino kwakasika umwi mwanakazi mukamufu mucete, walo wakawaala buyo tudibilisi tobile, nkukuti ikobili lyomwe.

Alimwi, kuyanda nguwe amoyo woonse akukuyeeya koonse akunguzu zyoonse, akuyanda mweenzinyoko mboliyanda omwini, kulainda kutenta mutunta uuenzene wacipaizyo azituuzyo zyoonse.

Mpoonya Jesu wakabaambila kuti, Zintu zya-Kaisara amuzipe Kaisara, azyalo zintu zya-Leza amuzipe Leza, Elyo bakagamba loko