Vargje biblike të njohura nga Joaancha Laenai 17

Ndaje

Ii raihuruneein neeuruhane jaunna aitoon, acaauru suujua rucujueein, acaauru coroatajaneeute, nejelau suujua cuaelanaala leinjiin ii jerenohicha ichacurumiin. Ii erete esinae rauhijiriin ichaonaa caohacha teraneein ne. Chaelai janonaa bana nihei nitajiha ii ere esenetaain tonoraain nenacaaurune.

Leinjiin iichate nitajenaachara nejeein nenaa ichaonaa teraneein. Nii jana canune, leinjiin ii letono Jesocurisitoneein neeun. Nii jaunte nitajenaachara nejeein neeurureein cana coitucuhin nenacaauru. Coatiha chabana nitajeeururinaain.

Coatiha acaauruacha coroatajaneeine coina caitono nihei. Canu ere beebejeeuruhane, canu esenetaaichuru suujua rucujueein coroatajaneeute, jiniiquiin aihacane rijijieein, ita aina jiniiquiin raotojoeein neein, nejelau suujua cuaelanaala ita coroatajaneein, neeuruhinete, esinae ii caletoaine esenetaauruhine caa chauratane que nenacaauru.

Ofa Cana Coaunera, coatiha ena, caa chauratane caje ranajaain dedeeu amanajaaine coina caitono nihei. Acaauru que Moconajaaera janoriteein, acaauru coroatajaneeine jerena caunne aitoon.

Jeelai, nii canu cocoainaain neeina jaane teeun acaauru rai, ita neein nihacane rijijieein, acaauru netonai ita neein neeuruhane coina. Chaaen nachu, casuujua cuhane neeine rijijieein, acaauru suujua cuhane neeun, jeelai ita neein neeuruhane coina, nii caje nainaain esinae ii caletoaaine coitucuuruha caa chauratane que nenacaaurune coina. Aihute, cacoelaaine rijijieein, belainaaquine coitucuuruhine.