Vargje biblike të njohura nga Naṉ. 6

Ndaje

Nuna nekáa tí kuntuts enentáimiar chichaak “¿Urukamtaik aentsnasha najankayaj?” tusa ni enentái̱ ti najuakmiayi.

Tura Uunt Yus aentsu tunaarí̱ nuṉká piakmia nuna wainkiamiayi. Núnisaṉ aya yájauchiniak túratniun enentáimtiarmia nunasha paant nekaamiayi.

Antsu Nuwaikia Uunt Yus íismaka péṉker túriniuyayi.

Kame ashí aentsja̱i̱ apatka iisam Nuwái péṉker áishmaṉkauyayi. Nisha Yusan umirkauyayi. Wats ju̱i̱ti Nuwái túrunamuri̱.

“Shuaran Wi najankamiaj nunasha tura ashí yajasmancha taṉkuncha japinias nuṉká yujá ainia nunasha ántsaṉ ashí nanamtinniasha yamaikia amuktájai. ¿Urukamtaik aentsnasha najankayaj?” tímiayi Uunt Yus.

Tura ashí nuṉkanam aents ti untsurí pampáa tekarmatai ni nawantri̱sha akiinkiarmiayi. Tura Yusa uchirí̱ aentsu nawantri̱ shíirmach áinian wáinkiarmiayi. Túrawar aṉkant aṉkant ní wakeramun nuatkarmiayi. Tura Uunt Yus chichaak “Aents aya aya̱sh wakeramun tuke túrin ásarmatai Winia Wakaniur tuke katsuntu pujushtatui. Antsu aentsnaka siantu painti uwí iwiaaku pujustinian tsaṉkatkartatjai” tímiayi. Nú tsawantin aents ti naya tura kakaram ármiayi. Kame Yusa uchirí̱ chíkich shuara nawantri̱n nuatkar yajutmakarmia nú tsawantin tura ukunmasha pujuarmiania nú aentska peṉké sápijcha núnisaṉ tí paantin ármiayi.

tutai Yus timia ímiatrusaṉ Nuwaikia umikmiayi.

Nuwain chicharuk “Ashí aentsun amuktájai. Ni yajauch túramuja̱i̱ nuṉkasha tí yajauch awajnásu asamtai sumamawaru áiniawai. Tuma asamtai aentsnasha amukan nuṉkancha emeskattajai.

Tuma asamtai amesha Nuwaiyá, kátsuram numi wárik mamurchamnia ainia nuja̱i̱ uunt kanu najanam yakiní̱sha nukukta. Túram initiaani̱ tesarta. Nuyá̱ entsa waya̱wa̱i̱ṉ tusam initiaani̱sha tura á̱a̱ni̱sha péṉker seká sekatu awajsata.

Maa, ashí nuṉkanmaya̱ aentska peṉké yajauch ajasármiayi. Tuma asa Yúsja̱i̱ṉkia peṉké mui̱jmiai̱ ajasmiayi. Nisha tunáa ti aant wainiak

Tura nuṉkanam ashí iwiaaku ainia nusha áishmaṉ nuwa̱ja̱i̱ nú weak ámiji̱a̱i̱ iwiaaku árat tusam eṉkeawarta.