Vargje biblike të njohura nga San Mateo 22

Ndaje

Saa ndi̱kuiin Jesús, káchi ra saa: ―Ley ya xíniñuꞌu ni ka kua yóꞌó: “Kuꞌvi ini yo kuni yo Ndioxi xiꞌin ndiꞌi nima yo, xiꞌin ndiꞌi ya vaꞌa yo, xiꞌin ndiꞌi ya xínituni yo”. Ya yóꞌó ku ley ya núnu̱ú ya xíniñuꞌu ni ka. Tá kuꞌva káa ley ya núnu̱ú, saa káa tu ya uvi va, káchi ya saa: “Tá kuꞌva kúꞌvi ini yo xíni yo mií yo, saa xíniñuꞌu yo kuꞌvi ini yo kuni yo na taꞌan yo”.

Uvi saa ley yóꞌó kua ndíso chiñu xiꞌin tá kúu nuu ndiꞌi ya ta̱a ra Moisés xiꞌin ya si̱naꞌa nda profeta, nda ndi̱kaꞌan tuꞌun yuꞌu Ndioxi ―káchi Jesús.

Saa chi kuaꞌa ni naꞌa ka̱na Ndioxi ya kiꞌvi na koo na xiꞌin ra nuu xáꞌnda chiñu ra, ta loꞌo ni va ku na ndi̱kaxin ra ―káchi Jesús.

Tá ná ndi̱taku na ndíi, ta köo ka naꞌa tindaꞌa nuu ndivi, ni täxi ka na seꞌe síꞌi na tindaꞌa ná xiꞌin taa. Tá kuꞌva íin na tatun Ndioxi saa koo na koo xiꞌin Ndioxi.

Sinaꞌa ndo xuꞌun kàà ya cháꞌvi ndo nuu na chiñu, ná koto i nuu ya ―káchi ra xiꞌin nda. Saa si̱naꞌa nda iin xuꞌun denario nuu ra. Saa ndi̱ndakan tuꞌun ra nda, káchi ra saa: ―¿Unku na xíin naꞌna ya, ta unku kivi kua ínuu nuu xuꞌun yóꞌó? ―káchi ra xiꞌin nda. Saa ndi̱kuiin nda, káꞌan nda: ―Naꞌna ra rey César kua, ta kivi ra ikán kua ínuu nuu ya ―káchi nda xiꞌin ra. Saa ndi̱kaꞌan ra xiꞌin nda, káchi ra saa: ―Taxi ndo ya kúu ñaꞌa na chiñu ndaꞌa na chiñu, ta taxi tu ndo ya kúu ñaꞌa Ndioxi ndaꞌa Ndioxi ―káchi ra xiꞌin nda.