Vargje biblike të njohura nga Matiyu 19

Ndaje

Yeso è di be nè jan, “A zǝn nobǝ, mò ena fwa ye ebwetim ra, tea a zǝn Ehwya binbin mo be mò no ebwetim.”

Enona, be fwa be fà efwe ra, tea akan. Mò a Ehwya bantan ara eso ángá, nobǝ akan e ngga e kwa ye be ra.”

Gè janfwe be jan, “Nye cha ká nye a tswa be Fwaebam zǝn a bè bá jan ne ekwafya Ehwya-emmò hon, ‘È mmò be, ndedon ngge ndegwa, ángá ra?’ Fwaebam hon è jan efwe jan, ‘Enona, ndedon a gwa ate ye ngge ayi ye, na fyàn a tan ngge gwa ye, a be fà hon ba nga amngo akan.’

Yeso è jan, “Nye e gwa mbǝgyashan be e bwa a zǝn m, nye e jan e ngga nye be ra, adia zǝnotì mo Ehwya no ḿ mo be nobǝ ya e ka tashwa yishwa mo be anga.”

Tea embo mo be ya e no chafya asuswana ángá, twabǝ bwa a no chashin, be ya e no chashin asuswana ángá, twabǝ bwa a no chafya.

Ngge egwa egwa e gwa be mu mbwe, be nwenjwa ye ndedon èé ndegwa, ate ye, ayi ye, mbǝgya mbwe, be sǝnsen mbwe a chu m, a ben be mò e ken a ngga gwé kè akan (100) mo be, ngge ga defǝ́n mo nya e no a fwa efwam ángá gaten.

Yeso è janfwe ye, “Ano o nda anga we no ende e no ebitete chafya mo Ehwya, ken jwade gu be mobenben mbo, we ti tse a o ben ángá e no be ya ekan, wa no ngge mobenben a kpe. Kǝnggwa, bwa ba m.”

Yeso è janfwe ye, “Ano bwe a ge o ká m eka a chu mò e no esese ángá? Kpwà ende Akan e no esese. Ende hon a Ehwya. Ano o dgyan anga we ben nya e no a fwa efwam ángá, tse be edon.”

Efwe m jan nye anga, ge shànfo tkyan a ge, a gwemo a be fǝ́ anga rakumi e kwavǝ́ e nya adi edu mo ebgon-yi, chàshín yamo a tswa zǝnotì mo Ehwya.”

M jan nye ebi anga, ende e gu ben mbwe ngge gwa ye, e ma no ye a chu sen-eten ra, n fǝ́ ndegwa efki, bwe anga sen-eten.”

Kǝnggwa, Yeso è jan be ye è ba ye anga jan, “Ebi m jan nye anga, ge no ngge ekan a yamo e kwa a tswa zǝnotì mo Ehwya.