Vargje biblike të njohura nga Mateu 5

Ndaje

Askush nuk e ndez kandilin për ta vënë nën magje, por e vë në mbajtësen e vet, që të ndriçojë të gjithë ata që janë në shtëpi. Kështu duhet të shndrisë drita juaj para njerëzve, që të shohin veprat tuaja të mira dhe të përlëvdojnë Atin tuaj që është në qiej».

Ju jeni drita e botës. Nuk mund të fshihet qyteti i ngritur mbi një mal.

Lum zemërdëlirët, se do të shohin Perëndinë.

Lum të uriturit e të eturit për drejtësi, se do të ngihen.

Por unë po ju them: duajini armiqtë tuaj e lutuni për ata që ju përndjekin

«Lum të varfrit në shpirt, se e tyre është mbretëria e qiejve.

Lum paqebërësit, se do të quhen bij të Perëndisë.

Lum ata që vajtojnë, se do të ngushëllohen.

Lum të përndjekurit për shkak të drejtësisë, se e tyre është mbretëria e qiejve.

Lum të mëshirshmit, se do të mëshirohen.

Lum ju kur t'ju shajnë e t'ju përndjekin, të thonë të gjitha të këqijat kundër jush me gënjeshtra për shkakun tim. Gëzohuni e ngazëlleni, se shpërblimi juaj do të jetë i madh në qiej. Kështu përndoqën edhe profetët para jush».

Lum të butët, se do të trashëgojnë tokën.

«Ju jeni kripa e tokës. Por nëse kripa e humbet shijen, si mund ta rifitojë? Nuk ka më asnjë vlerë, përveçse të hidhet e të shkelet prej njerëzve.

Jini, pra, të përsosur, sikurse është i përsosur edhe Ati juaj qiellor».

Kur të flisni, thoni “po” kur është “po” dhe “jo” kur është “jo”. Çfarë thuhet më shumë, vjen nga i ligu».

«Keni dëgjuar se është thënë: sy për sy e dhëmb për dhëmb. Por unë po ju them: mos hyr në luftë me të ligun! Përkundrazi, nëse dikush të jep një shuplakë në faqen e djathtë, ktheji edhe tjetrën.

Nëse syri yt i djathtë të bëhet pengesë, nxirre e hidhe larg teje, se është më mirë për ty të humbasësh njërën nga gjymtyrët, sesa të të hidhet i tërë trupi në Gehenë. Dhe, nëse dora jote e djathtë të bëhet pengesë, prije e hidhe larg teje, se është më mirë për ty të humbasësh vetëm njërën nga gjymtyrët, sesa të të shkojë i tërë trupi në Gehenë».