Vargje biblike të njohura nga Matyu 21

Ndaje

Nímane gaabee egeguturota, dodu benunu egegadora, aná utota bubugaita rosoravore.”

Aghá regeguturieta, Iesu mino eghá ririe, “Anona nímandu isagha rore: gaabee urota, mana-mana egegambi adora, nímane anda oreki ená ika simbiadu etora aghagonu egegaita rosoravore. Kotú ená nuenembo irambi re. Nímane ená dafarudu eghá regegasira, ‘Sofú ea vorii, karajeva juradi!’ regegasira, aghá asue.

aná enembo oruaruabe Iesu da dibe kena kotú ambo kena jiria igiguturota, areguturota eghá regeguturie, “Orokaiva! Devit da Mendidu raga regegore! Umó avona Jojabeeda ragarova bubua reifia-du, raga regegore! God du raga regegore! Orokaiva!”

Aghá ea númandu eghá ririe, “God da Gaga bukava eghá gembari vitie, ‘Anda Kambo aná benunu ari kambo re. Tago, nímanena egegetueta, anda Kambo aná bagia enemboda nungegi ari kambo aghago ea vitie.’”

“Saion* ootova vitia enembodu eghá radi rere, ‘Nímanda kini oka donki da mendida etova durumugea asumbea, nímandava reifie.’”

Aghá regeguturieta, Iesu mino eghá ririe, “God da Gaga eghá gefiria mo, nímane jo irugambi ra? ‘Singoi eini kambo itari kakatomi injigha ea doa fugituria-nu Jojabee na bua, unda kambo roro tutumbudu itia simbuguturie. Ená Jojabeeda ari re. Unona ea davirea deghasembuturieta, namonde amó gia duduku-dadaka eta rosore.’

Aghá-gea, nímandu eghá rere: ambova God da natofo* jo nímane kaifa ambi egegaita rosoravore, kotú nímane jo unda natofoda rova terambi egegaita rosoravore. God na unda uno eta rouvia enembonu gateguturota, númanena unda natofo kaifa egagari-du raita rouvie.