Vargje biblike të njohura nga Maark 12

Ndaje

Iisa telkiiji aman : « Cokiyoŋ, koogin ku Israyeel ! *Rabbin Buŋte, ŋaar rakki di. Kii elin̰ Rabbin Buŋjiŋ iŋ gelbin rakki, iŋ kelmon̰ okintiti, iŋ pikirren̰ okintiti ho iŋ gudurren̰ okintiti. An gay ka aaɗaag ka awalle : Kii elin̰ giji ar zin̰ ka meen̰jiŋ. Min ku seer-aŋ ginno pey gaanuun ka pakgigu. »

Hiyya, Iisa koliig maajirnay ho ŋa ɗiyiico aman : « Ka seener nu kaawaako, murgil-an ber gurus dakina pakgig gee okin̰co kuuk liya gurus ɗo maanna-aŋka, asaan okin̰co-aŋ ber min gurusco kaak ɗaka maala. Kar murgil-an gay, iŋ pokirruwti, gurusti kaak nec taa tee ɗo menuwir, okin̰ji ta berga. »

Kar Iisa goytu moota iŋ maan kaak gee liyiy gurus ɗo ger ka Buŋdi ho ŋa taliy maman gee liyiy gurus ɗo maanna-aka. Gay gamnar liya gurus dakina. Kar murgil rakki pokirin̰ca astu. Ta leetu tammin seer kuuk bal baaco.

Gii elin̰ Buŋ iŋ gelbin rakki, iŋ pikirrite okintiti ho iŋ gudurrite okintiti. Ho gii elin̰ eente ar ziŋka ku maaniite. Gamin ŋuur-aŋ pakgig *satkin ta mallel ho iŋ satkin taat gee beriy ɗo Buŋdi. »

Min ŋaar-ak, Iisa ɗiyiico aman : « Di ŋaar-ak, gamin ku Sezaar, beron̰jiig ɗo Sezaar, ho ku Buŋdi sa, beron̰jiig ɗo Buŋdi. » Kaaw ta Iisa taar-at ajbiygu.