Vargje biblike të njohura nga Genesi 21

Ndaje

Mãwãnacarea Ãcõrẽba Sarara carebasia idjia wãrãneba jarad̶a quĩrãca.

Mãwã b̶ʌd̶e Ãcõrẽba dji warrara jĩã b̶ʌda ũrĩsia. Maʌ̃ne bajãneba Ãcõrẽ nezocaba Agarada trʌ̃ jarasia: –Agara, ¿sãwãsi? Wayarãdua. Ãcõrẽba bʌ warra jĩã b̶ʌda ũrĩ b̶ʌa. Piradrʌdua. Bʌ warrara piradrʌ edaped̶a sobiabidua. Mʌ̃a idjid̶eba puru dromada yõbiya.

Abrahaʌ̃ra bio drõãda b̶ʌmĩna Sarara b̶iogoa b̶eped̶a Ãcõrẽba jarad̶a ewarid̶e warrada tosia.

Maʌ̃ne Saraba crĩchasia: “Ãcõrẽba mʌ̃ra ipid̶abi b̶ʌa. Bariduaba mʌ̃ warra tod̶ad̶ebemada ũrĩnibʌrʌ mʌ̃ carea b̶ʌsrid̶aba ipid̶ad̶ia.”

Maʌ̃ carea Ãcõrẽba Abrahaʌ̃a jarasia: –Bʌ warra Ismael carea, bʌ nezocawẽrã carea bid̶a sopuarãdua. Saraba jara b̶ʌra jũma odua, mʌ̃a warrarã diai jarad̶ara Isad̶ebabʌrʌ zed̶i bẽrã.

Baribʌrʌ bʌ nezocawẽrã warrad̶eba mʌ̃a puru dromada yõbiya, idjira bʌ warra bẽrã.