Vargje biblike të njohura nga Luuka 22

Ndaje

“Wee Daada! Nkashele ʉgɨɨne, ɨhulaabha ʉnefwezye ʉlupɨndɨ ʉlwu ʉlwɨ malabha. Leelo, zigandi abhombeshe ziila anɨ zyɨ‑ɨhwanza, lyoli zibhombeshe ziila zyʉ‑ʉhwanza aawe!”

Leelo anɨ ɨʼputiiye hwa Ngʉlʉbhɨ huje, ʉgandi hululeshe ʉlwɨtɨho lwaho huliinɨ. Nawe, lwʉ‑ʉnza‑abhe ʉngalushiiye anɨ, ʉbhajinjizyaje na bhamwenyu.”

Ɨpo aheega ɨntogito, ahanʼsalifya ʉNgʉlʉbhɨ, ahayimensulanya, ahabhapeela abhasundwe bhaakwe, ahaga, “Ʉgu gwʉ mʼbɨlɨ gwanɨ gwa gufumiziwa hu nongwa yeenyu. Mubhombaje ɨshi shila lwa mulya, huniizushe anɨ.”

Lwa bhaamala alye, ʉYeesu ahabhomba shishiila, aheega ʉlupɨndɨ ʉlwɨ divaayi. Lwa‑ahubhapeela, ahaga, “Ʉlupɨndɨ ʉlwu lilagano lipya, ɨlyo ʉNgʉlʉbhɨ abhala‑abhombe hwi‑idala ɨlya hwitishe idanda lyanɨ hu nongwa yeenyu.

ɄYeesu ahonjela apuute tee hu nongwa ya‑aje, ahali nʉ bhaavi ʉgoosi. Lwa‑ahapuutaga, ɨntwinsi nanshi idanda yahatolihaga pa nsi.

Leelo amwɨ, musahabhombe ɨsho. Lyoli ʉmuntu wa‑ali nʼgoosi huliimwɨ, ʉyo abhanje nanshi ʉmuntu ʉnʼdoodo hu bhonti. Ʉla wa‑ahubhalongozya abhantu, abhanje nanshi ʉmuntu wa‑ahubhabhombela abhanjɨ.

ɄYeesu ahamʼmwamula ahaga, “Peeteli! Ɨhubhʉʉzya huje, ʉsanyʉʉnʉ ɨhanda shɨ‑ɨsɨɨle agʉgʉlɨɨje, ʉnza‑abhe wahaana anɨ hataatu huje saga ʉmɨɨnye anɨ.”