Vargje biblike të njohura nga Matius 5

Ndaje

Orang jua seng bakar palita la tutu akang deng sempe, mar taru di tampa yang tinggi biar kasi tarang samua orang dalang ruma. Bagitu lai deng kamong. Kamong musti jadi tarang par orang laeng deng cara biking hal-hal yang bae, biar kalo orang lia apa yang kamong biking tu, dong puji-puji kamong pung Bapa di sorga.”

Kamong tu tarang par dunya. Kota yang ada di atas gunung seng bisa tasambunyi.

Orang-orang yang pung hati barsi, dong tu paleng baruntung, tagal dong nanti lia Allah.

Orang-orang yang inging paskali par biking apa yang batul iko Allah pung mau, dong tu paleng baruntung, tagal Allah nanti kasi apa yang dong inging tu par dong.

Mar dengar Beta bilang par kamong: Kamong musti sayang kamong pung musu deng sombayang par orang-orang yang siksa kamong.

“Orang-orang yang sadar kalo dong parlu Allah, dong tu paleng baruntung, tagal dong su jadi Allah pung orang-orang deng Antua pegang parenta jadi Raja par dong.

Orang-orang yang biking dame orang bakalai, dong tu paleng baruntung, tagal dong nanti dapa panggel par Allah pung anana.

Orang-orang yang pung hati susa, dong tu paleng baruntung, tagal Allah nanti biking dong pung hati sanang.

Orang-orang yang dapa siksa tagal biking Allah pung mau, dong tu paleng baruntung, tagal dong su jadi Allah pung orang-orang deng Antua pegang parenta par dong.

Orang-orang yang pung hati bae par orang laeng, dong tu paleng baruntung, tagal Allah nanti kasi unju Antua pung hati bae par dong lai.

Kamong paleng baruntung kalo orang hina kamong, siksa kamong, deng biking busu kamong pung nama, tagal kamong iko Beta. Barang, dolo-dolo jua Allah pung juru-juru bicara dapa biking macang bagitu lai. Jadi mari barsuka deng hati sanang tagal Allah nanti kasi hadia basar par kamong di sorga.”

Orang-orang yang randa hati, dong tu paleng baruntung, tagal Allah nanti kasi samua yang Antua su janji tu par dong.

Yesus bilang lai kata, “Basudara samua! Kamong tu garang par dunya. Kalo garang su tawar, mau kasi asing akang deng apa lai? Akang su seng ada pung guna lai, cuma par dapa buang la dapa inja-inja sa.

Tagal itu, kamong musti batul-batul biking apa yang bae deng seng kurang apapa, sama deng kamong pung Bapa di sorga jua salalu biking apa yang bae deng seng kurang apapa.”

Kalo batul, bilang sa batul. La kalo sala, bilang sa sala. Apa yang labe dari itu asal dari Setang pung Raja.”

Yesus bilang lai kata, “Kamong su dengar parenta kata, ‘Mata ganti mata, gigi ganti gigi.’ Mar dengar Beta bilang par kamong: Jang balas orang yang biking jahat par kamong. Mala kalo orang tampeleng kamong pung pipi kanang, kasi pipi kiri lai.

Jadi, kalo kamong pung mata kanang biking kamong bardosa, cungkel la buang akang! Tagal labe bae satu bagiang dari kamong pung badang ilang, daripada musti dapa buang deng badang antero-antero dalang naraka. Kalo kamong pung tangang kanang biking kamong bardosa, potong la buang akang! Tagal labe bae satu bagiang dari kamong pung badang ilang, daripada musti dapa buang deng badang antero-antero dalang naraka.”