Vargje biblike të njohura nga Jɔn 15

Ndaje

N loʼ fəkaʼ, ghaa a loʼ kpìi tə tii tə. Wù wey tə loʼ ghi mə nə kəfə kəmɔʼ, mə n loʼ soʼo nə kəfə kəmɔʼ ghi wi, a loʼ wi tə loʼ ni ngii mə̂ utam. I loʼ sey n təŋkey, abə a bow tə mə, ghaa way ni ghəŋə ghə i loʼ zə.

Ghaa khə ni doʼo bə ghi mə nə kəfə kəmɔʼ, n doʼo bə soʼo ghi ghaa nə kəfə kəmɔʼ. Kpìi kə way ni mə̂ utam n nəŋə ghii kə nə̀ kə ka zuŋ doʼo nə fəkaʼ, a loʼ soʼo ighələ tə̀ ghaa way ni ghəŋə ghə i loʼ zə nə̀ saa dzəŋi way nə kəfə kəmɔʼ.

Abə saa loʼnə nə kəfə kəmɔʼ ghi mə, ghaa a khə soʼonə ghɔɔmə zuŋ zə n fə̀ŋ tə ghaa, ghaa loʼ ni nɔɔ fə key ghaa ləghənə ni keeli, Zə̀ kə i fu tə ghaa.

A way dzə ghaa, ghaa â sày bə mə, a loʼ mə, mə â saynə ghaa, fu tsu ghaa n daʼa kə nə̀ ghaa i məə tam u dzuŋu wə, ndzoʼo tam wey u doʼo tən nə, sey nə̀, wù ghaa nɔɔ kə kee tə Bày n zəd zuŋ, Bày i fu fə kə tii kə tə̀ wi.

Ləghə i loʼ i way i tsəghəshinə ndzoʼo ləghə i zən, nə̀ wù bəghəm ni kpu n tow kə fə̂ a wi.

Abə kpìi kə loʼ kə məə way tam wə, tə n khəə maʼa i tsu, u wey u məənə tam wə, tə n faalə kad naŋa kɔʼ nə̀ wə i ngii məə tsu.

Laŋ kuŋ key n fuu bənə tə ghaa loʼ nə̀ ghaa i ləghə wû i ghaa zə ighələ tə̀ n ləghənə ghaa.

Bày wuŋ keeli nkɔʼlə abə ghaa ngii məənə tam wə. Tam wən ghaa məənə, dii tsuu nə̀ ghaa ndzəm loʼ ngəd tuŋ.

Yeso n dza kpiʼi ndow tə̀ ngəd tə wi tə nə̀, “N ndzəm loʼ tə a loʼ fəkaʼ fə nyîmmə nə usum, Bày wuŋ u loʼ muu sum u tii wə.

Wù wey tə way ghi mə nə kəfə kəmɔʼ, a khəə maʼa shiə ndow wi tə a loʼ kpìi kə fəkaʼ kə bəbə kə, kə n fɔbi zum kɔʼ, ghə n kuumə kpəghə ndow nə uvəllə, kə n fə fu.

N ghəə ghən dza bə tə ghaa ni ghəŋə nə̀ ghaa duʼlə ighələ tə̀ n duʼlənə nsə nə̀ ghaa loʼ ni duʼlə naʼ idzəm.

Abə ghaa naŋŋə laŋ wuŋ wə, mə i ləghə ghaa, ighələ tə̀ n naŋŋənə laŋ u Bày wuŋ wə, tə u ləghənə mə.

Laŋ key n fuunə tə̀ ghaa loʼ kə nə̀ ghaa i ləghə wû i ghaa zə.”

Abə ghaa mə loʼ ghə̂ a mbi ghə, tə mbi mə ləghə ghaa. À sə fa loʼ kə nə̀ mə â sày nuu shi bə ghaa nə̀ ghaa ka kəm doʼo soʼo tə a loʼ ghə̂ a mbi. À wey loʼ ghə i tii zə ghə̂ a mbi a bàanə ghaa.