Vargje biblike të njohura nga 1 Kɔ̀rintìyà 6

Ndaje

È rza hwi nanù ema è nyo ya anyu è hwèlì ndi hwèlìyelì hwe Èlìŋgɛ̀ yà Wòtani e? Èma e lìyayi o tenì yà nyo yà anyu, ema Lohwɛ̀ a mà è ŋgbè e? Rzèketɛ inyɔ ndi e ohvi i nyo ja anyu, i hwèlì ndi nyo ja ama Lohwɛ̀. À mà è àndana nà wolì wo ndɛnɛ, o èŋgànɛ̀lɛ e gbeyànè inyo ja anyu o èluhwe ya ama Lohwɛ̀.

Ò jɔ̀kɛ̀-jɔ̀kɛ̀ è hwi nanù ema hwatò ema hwa gbeyà wòhwe hwa rzà o hwɛ ò lìkànèyà là ama Lohwɛ̀. È rzà alùkɛ̀lɛ̀nɛ̀, hwaŋga hwatò ema hwa gbeyà mòrzònje. Hwàto ema hwa kanɛ̀ mòohwà ema mà wèkàhwì nà è mòto wà hwènàmà, hwatò hwa mòrzònje mò lìhwà, nà wunyanà ema hwa naŋgànà hwahvɛhvɛ wunyànà, hwanù hwatò hwa arzɛ hwa rza ò hwɛ ò Likànèyà là ama Lohwɛ̀. Hwàyihwɛ, è wɔ̀ ema hwa hwèlì wɔ̀ɔ, è wɔ̀ hwa mboma, è wɔ̀ hwa mèhvìlì, tɔ̀ hwaŋga ema hwa hvùmana hwatò hwema hwe awu. Tɔ̀ mɔ̀kɔ wà hwanù hwatò à rza hwɛnɛ èkì ò lìkànèyà là ama Lohwɛ̀.

È rzɔ̀rzè mòrzònje. Tɔ̀ ima nyayi ya wòhwe ema mòtò a gbeyà mo rzà mò hvàŋga è nyo yà eni nàa wòhwe wo mòrzònje wo gbeyà ndi è mòtò ema à gbeyà ndi mòrzònje, à gbeyà wòhwe lì teŋgɛ̀nɛ̀ e nyo yà èni.

Mɔ̀kɔ wà anyu à tànɛyi a ohwa nanù ema, “Nà hwɛnì wònjà lì gbeyà tɔ̀ mamɛ ema na lìŋganì.” Nà è jɔ̀kɛ̀! Ndi nà ohwi ema rzeketɛ tɔ̀ ima eyà ndi ye è lɔ̀ɔni. Nà tànɛyi lì ohwa nanù ema mɔ̀kɔ wà anyu a tànɛyi hvɛ lì ohwa nanù ema, na ohvì wònjà o lì gbeyà tɔ̀ mamɛ ema na lìŋgàni, ndi o rza enje tɔ̀ eyà ema e tànɛyi lì no gbeyà ema na timbeya mòkòmì.

Lohwɛ̀ à mà hvùmùlɛ̀ Rzàŋgo ò kpelì, à ò gbeyàna e ŋginyà ya eni o lì jo hvùmùlɛ̀.