Vargje biblike të njohura nga Maki 14

Ndaje

A tɛ́ɛ fɔ́la kó: «Nvá ó, kó ó bɛ́ se é íle lé yɛ, tɔ́lɔyaba míin cɛ́bhɔ nán. Óni o ta ó bɛ́, í kɛ́nan a kɛ né sao óle, wáa í lé sao ó.»

Áa tó í ɲánla, kɛ Ala dɛ́li ké á kɛ́nan lo lɔ́swaannin ó lɔ. Kóbhɛɛ kɛ́ yóso é Adamandhye ŋó kɔ́ɔnnɔn, wáa sé tɛ́ a yɛ.»

Tó ní fɔ a yɛ́ tínɲan in né ngó, sanmankanmɛɛ ó káa í láse dínɲan ywáa óo ywáa lɔ, muso ó kɛ́ko míin ɲáan fɔ́ o ywáa ó bɛ́ lɔ tó a ko é bhyáa mɔɔn olu yáakii la.»

Aa fɔ i yɛ kó: «Né ní o wɛ́ɛ tɔ́lɔ koyoongɛ fɔ́ kɛ kɛ́ óo ngáa sayakɛ a bhóo. Áa tó yánun; áa tó í ɲánla.

I tɛɛ lɔ́min o kɛ́la mínngɛ, Ɛnza ŋé búlu ó tá, kɛ Ala bálika bhɔ́, kɛ a lɔ́tɛɛtɛɛ, kɛ a di í mán, tó kɛ fɔ i yɛ kó: «Áa a tá, nvásisoo ó lée wé.»

O kwɔ, aa wɛɛ kɛ lɛ́zɛnnjifyɛ lɔ tá tó kɛ Ala bálika bhɔ́ kɛ o lɛ́zɛnnji o di í man. I bɛ́ é o lɔ́ mín. Aa fɔ i yɛ ó lé lɔ kó: «Ɲee ó lée wé, Ala yɛ dhyáaɲɔɔnya ó láheli o tɔɔmansii ó. Mín ŋé bwɔ́ mɔɔn shɛ́ɛman ngósɔn.»

Ɛnza ŋé fɔ a yɛ kaamɔɔndhye ŋolu yɛ kó: «A bɛ́ yáa í kwɔ́kɛ nán, kɛ mansɔɔ a sɛwɛnin ŋé kó: Ɲáan saamangbɛngbɛmaa o fáa, tó saa ólu ɲɛ́nɲɛn.

Áa í wíi ké án ndáa! Ɲánvabhaa o lée nánla nín.»

Ɛnza ŋé a yawi kó: «Tó ní fɔ í yɛ́ tínɲan in né ngó, bí sú míin ɲɛ́ɛ lɔ, sánnin lónan ŋó a kóman ko fyáa kɛ́, íle yáa fɔ síɲan sawa kó í mán nɔ́.»