Vargje biblike të njohura nga Maki 12

Ndaje

Ɛnza ŋé a yawi kó: «Tɔ́ mín ngúu a gbɛ́ɛ tɔ́ ŋo bɛ́ le o lée nín: Izalayɛlika ólu áa í tóomanlɔ! Mantii ó, án ɲɛn Ala o, o kée née Mantii óle. Í yɛ Mantii Ala o waa dhyáa í yɛ́ í yóso ó bɛ́ la, í ní o bɛ́ la, í míliya ó bɛ́ la, óni í fáan ó bɛ́ la. A fyáaɲɔn o lée nín: Í mɔ́ɔnɲɔɔn ó a dhyáa í yɛ́ óyoo íle gbú o a dí í yɛ́ɛ yɛ ɲán mín man. Tɔ́ ŋo lɔ́ kúu mán ngbɛ́ɛ o fyáa o le.»

Ɛnza ŋé a yɛ kaamɔɔndhye ŋolu kíi tó kɛ fɔ i yɛ kó: «Ní tínɲan le fɔ́la a yɛ́ ni ngó, finɲanmuso bhóokoo míin née wɛ́ɛ shɛ́ɛman myáa wɛ́ɛ bhyáa késu o lɔ kɛ tínmin mɔɔn tɔ́ ó bɛ́ ka. Kɛ mansɔɔ mɔɔn tɔ́ ólu wɛ́ɛ mínnu di, i manko tɛ́ tɛ́ olu lá bhée i yɛ dínɲanlɔtɛɛ o lɔ. Wáa finɲanmuso o, a yɛ bhóokooɲan o lɔ, mín ndɛ́ɛ a yeeya lé bhálo bhóo o man a yɛ dínɲanlɔtɛɛ ó lɔ, aa o lé di.»

Wɛ́ɛ o tɛ́ɛ bhyáala késu mín ngɔ́ɔnnɔn Ala bhatobhomba o la, Ɛnza ŋé í síi mínngɛ, aa í ɲán bhyɛ o mán, kɛ mɔɔn ólu yɛ́ wɛ́ɛ bhyáa seɲan o mánfɛɛ. Nanfootii olu shɛ́ɛman ndɛ́ɛ wɛ́ɛ shɛ́ɛman díla. Finɲanmuso bhóokoo nɔ́ é nan kɛ wɛ́ɛgbannan nvyáa bhyáa. O tɛ́ tɛ́ tínminnan tánman nvyáa ka.

Óni a dhyáa í yɛ́ í yóso ó bɛ́ la, í miliya ó bɛ́ la, í fáan o bɛ́ la, í mɔɔnɲɔɔn ó a dhyáa í yɛ́ óyoo íle gbú o a dí í yɛ́ɛ yɛ ɲán mín man. O a físaa faanlɛɛ ólu le.»

O bhóo o mán, Ɛnza ŋé fɔ i yɛ kó: «Fé mín ŋé mansacɛ Sezali tá le, áa o dí mansacɛ Sezali mán; tó fé mín ŋé Ala tá le, áa o dí Ala man.» A yɛ kóman o yawi seɲan o lée bháa mɔɔn olu bɛ́ lɔ.