Vargje biblike të njohura nga मरकुस 5

Ndaje

यीसु उआ मेहेरिआ से कहिन, “बिटिआ, तोंहार बिसुआस तोहईं नीक किहिस ही, नीके कुसल अपने घर चले जा, अउर इआ बिमारी से बचे रहा।”

भीड़ माहीं एकठे मेहेरिआ रही हय, जउने काहीं बारा बरिस से खून बहँइ के बिमारी रही हय। उआ मेहेरिआ खुब बैदन से आपन दबाई करबाइस; इहाँ तक कि आपन सगली धन-सम्पत्ती खरचा कइ डारिस, पय निकही नहीं भय, बलकिन अउर बिमार होइगे तय, एसे उआ खुब दुखी रहत रही हय।

अउर छूतय ओखर खून बहब बन्द होइगा, अउर उआ अपने देंह माहीं जान लिहिस, कि हम उआ बिमारी से नीक होइ गएन हय।

अउर यीसु बिटिया के हाँथ पकड़िके ओसे कहिन, “तलीता कूमी!” जेखर मतलब हय “हे बिटिया हम तोंहसे कहित हएन, उठा!”

जब यीसु इआ बात कहतय रहे हँय, तबहिनय सभाघर के मुखिया के घर से कुछ जने आइके कहिन, “तोंहार बिटिया मरिगे ही, अब गुरू काहीं जाँइ के तकलीफ काहे देते हया?” जऊँ बात ऊँ पंचे कहत रहे हँय, ओही यीसु बहटिआइके, यहूदी सभाघर के मुखिया याईर से कहिन, “डेरा न, केबल बिसुआस करा।”

अउर उआ खुब चंडे चिल्लाइके कहिस, “हे यीसु परमप्रधान परमातिमा के लड़िका, हमार अपना से कउनव काम नहिं आय, अपना काहीं परमातिमा के कसम खबाइत हएन, अपना हमहीं दुख न देई।” यीसु ओसे पूँछिन, “तोंहार का नाम हय?” उआ यीसु से कहिस, “हमार नाम सेना हय, काहेकि हम पंचे खुब जने हएन।”