Vargje biblike të njohura nga मत्ती 28

Ndaje

एसे तूँ पंचे इहाँ से जाइके, सगले जातिअन के मनइन काहीं चेला बनाबा, अउर उनहीं पंचन काहीं पिता परमातिमा, अउर लड़िका यीसु, अउर पबित्र आत्मा के नाम से बपतिस्मा द्या। अउर जउने बातन काहीं, हम तोंहईं पंचन काहीं मानँइ के हुकुम दिहेन हय, उँइन बातन काहीं मानँइ के खातिर उनहूँ पंचन काहीं सिखाबा: अउर इआ बात काहीं सुध रख्या, कि संसार के अन्त तक हमेसा हम तोंहरे पंचन के साथ माहीं रहब।”

तब यीसु उनखे लघे आइके कहिन, “स्वरग अउर धरती के सगला अधिकार हमहिन काहीं दीनगा हय।

तब स्वरगदूत, ऊँ मेहेरिअन से कहिन, “डेरा न, काहेकि हम जानित हएन कि तूँ पंचे यीसु काहीं ढुँढ़ते हया, जउन क्रूस माहीं चढ़ाए गे रहे हँय। ऊँ इहाँ नहिं आहीं, पय ऊँ अपने कहे के मुताबिक जिन्दा होइगें हँय। अउर आबा, इआ जघा काहीं देखा, जहाँ प्रभू परे रहे हें

तब यीसु उनसे कहिन, “डेरा न; तूँ पंचे जाइके हमरे भाइन से कहि द्या, कि ऊँ पंचे गलील प्रदेस माहीं चले जाँय, अउर उहँय हमहीं देखिहँय।”

तब ऊँ पंचे यहूदी समाज के धारमिक अँगुअन के लघे एकट्ठा होइके एकठे योजना बनाइन, अउर सिपाहिन काहीं खुब चाँदी दइके कहिन, “तूँ पंचे इआ कह्या, कि रात माहीं जब हम पंचे सोबत रहेन हय, तब यीसु के चेला लोग आइके उनहीं चोराय लइगे हँय। अउर अगर इआ बात हाकिम के कान तक पहुँच जई, त हम पंचे उनहीं मनाय लेब, अउर तोंहईं पंचन काहीं खतरा माहीं परँइ से बचाय लेब।” एसे ऊँ पहरा देंइ बाले सिपाही, रुपिआ लइके जइसन सिखाए गे रहे हँय, उहयमेर किहिन; अउर इआ किस्सा आजव तक, यहूदी लोगन माहीं इहइमेर फइली हय।