Vargje biblike të njohura nga मत्ती 23

Ndaje

अउर जे कोऊ तोंहरे बीच माहीं बड़ा बनय चाहय, उआ तोंहार पंचन के सेबक बनय।

काहेकि जे कोऊ खुद काहीं बड़ा बनाई, उआ परमातिमा के व्दारा छोट कीन जई: अउर जे कोऊ खुद काहीं छोट बनाई, त उआ परमातिमा के व्दारा बड़ा कीन जई।”

“हे ढोंगिव, मूसा के बिधान सिखामँइ बाल्या, अउर फरीसी लोगव तोहईं पंचन काहीं परमातिमा से खुब सजा मिली। काहेकि तूँ पंचे पोदीना, सउँफ अउर जीरा के दसमा हिस्सा त देते हया, पय तूँ पंचे मूसा के बिधान के खास बातन काहीं, जइसन कि न्याय करब, दया करब, अउर परमातिमा के ऊपर बिसुआस करब, छोंड़ दिहा हय; तोहईं पंचन काहीं इआ जरूरी रहा हय, कि ईं बातन काहीं घलाय करत रहत्या, अउर उनहूँ काहीं न छोंड़त्या।

“हे कपटिव, मूसा के बिधान सिखामँइ बाल्या, अउर फरीसी लोगव तोहईं पंचन काहीं परमातिमा से खुब सजा मिली। काहेकि तूँ पंचे खोरबन अउर टठिअन काहीं उपरय-ऊपर त मजते हया, पय उनखे भीतर छल-कपट अउर असंयम भरे हँय।

“हे यरूसलेम सहर के मनइव, हे यरूसलेम सहर के मनइव! तूँ पंचे परमातिमा के सँदेस बतामँइ बालेन काहीं मारि डरते हया, अउर जेतने जने तोंहरे लघे पठए गे हें, उनहीं पथरा मरते हया। अउर हम कइअक बेरकी इआ चाहेन, कि जइसन मुरगी अपने बच्चन काहीं, अपने पखनन के नीचे एकट्ठा करत ही, उहयमेर हमहूँ तोंहरे लड़िकन काहीं एकट्ठा कइ लेई, पय तूँ पंचे इआ नहीं चाह्या।

इहइमेर तुहूँ पंचे, बहिरे से त धरमी देखाई देते हया, पय भीतर कपट अउर अधरम से भरे हया, अउर परमातिमा के नेमन काहीं नहीं मनते आह्या।”