Vargje biblike të njohura nga Chiyambo 21

Ndaje

Ambuya anguchezga ndi Sara, uli ndimo angunene; ndipo Ambuya angumuchitiya Sara uli ndimo angupanganiya.

Ndipo Chiuta wanguvwa mazu gha mwana yo; ndipo mungelo waku Chiuta wangudanirizga kwaku Hagara kuturiya kuchanya, ndi wanguti kwaku iyo, “Nchine cho chitukusuzga Hagara? Ungopanga cha, pakuti Chiuta wavwa mazu gha mwana yo penipo wali. Soka, unyamuwe mwana yo, ndipo umukoreske ndi janja lako; pakuti ndikamuchitanga kuŵa mutudu ukuru.”

Ndipo Sara wanguzuwuka ndi wangupapiya Abrahamu mwana munthurumi mu ukhongwe wake pa nyengo yeniyo Chiuta wangukambiya nayo.

Ndipo Sara wanguti, “Chiuta wandichitiya kusekeka; munthu yose mweniyo wakavwanga wakasekenga ine.”

Kweni Chiuta wanguti kwaku Abrahamu, “Reka kukaripa chifukwa cha mwana yo ndi chifukwa cha muŵanda wako munthukazi; nanga wangakambanji Sara kwako, uchite uli ndimo watikunene, pakuti mphapu zako zikadanikanga mwaku Yisaki.

Ndipo ndikachitanga mtundu wa mwana wako yo nayo, wa munthukazi yo muŵanda, chifukwa ndi mphapu yako.”