Vargje biblike të njohura nga Psalmet 91

Ndaje

Do t'i them ZOTIT: «Ti je streha ime e fortesa ime, je Perëndia im, te ti kam besim».

Kush banon nën strehën e të Tejlartit, qëndron nën hijen e të gjithëpushtetshmit.

Do të më thërrasë e unë do t'i përgjigjem, në vështirësi me të do të jem, do ta shpëtoj e nder do t'i jap.

Ai do të urdhërojë engjëjt e tij të të ruajnë përgjatë të gjitha udhëve.

Me pendët e tij do të të mbulojë, nën krahët e tij strehë do të gjesh, shqyt e mburojë është besnikëria e tij.

ZOTI është streha jote, i Tejlarti banesa jote, nuk të prek asnjë e keqe dhe tendës sate sëmundje nuk do t'i afrohet.

Ai do të të çlirojë nga laku i gjuetarit dhe nga plaga vdekjeprurëse.

Le të bien mijëra përreth teje, apo dhjetëra mijëra në të djathtën tënde, ty nuk do të të prekë asgjë.

Nuk do ta kesh frikë tmerrin e natës e as shigjetën që vringëllon ditën, as murtajën që endet nëpër terr e as shfarosjen që shkreton në zheg.