Vargje biblike të njohura nga Fjalët e urta 3

Ndaje

Beso në ZOTIN me gjithë zemër e mos u mbështet në zgjuarsinë tënde. Mendo për të në të gjitha udhët e tua e ai do të t'i drejtojë shtigjet.

Mos të të duket vetja i urtë, por druaj ZOTIN e largohu nga e keqja.

Ndero ZOTIN me tërë begatinë tënde, me frytet e para të çdo të vjele, se drithnikët e tu do të mbushen plot e vozat e tua do të pëlcasin nga vera.

Mos të lëntë mirësia, as besnikëria, ndaj vari rreth qafës e shkruaji mbi rrasën e zemrës sate

Biri im, mos e shpërfill mësimin e ZOTIT e mos u bezdis nga qortimi i tij, se ZOTI e ndreq atë që e do, porsi një atë birin e dashur.

Biri im, mos i harro udhëzimet e mia e mbaj në zemër urdhërimet e mia, se ditë të shumta, vite jete e paqe do të të japin.

Lum njeriu që e ka gjetur urtinë, lum ai që ka kapur arsyen, është më e vlefshme se argjendi, më e dobishme se ari, më e çmueshme se margaritarët, e pakrahasueshme me asnjë kënaqësi.

Po të jetë në dorën tënde, mos ia moho të mirën atij që i takon.

ZOTI e themeloi tokën me urti e me mençuri i nguliti qiejt.