Vargje biblike të njohura nga Fjalët e urta 11

Ndaje

Shpirti bujar do të begatohet, kush i jep ujë dikujt, edhe atij do t'i jepet.

Dikush jep e pasurohet. Një tjetër mban gjënë e huaj, por varfërohet.

Me mendjemadhësinë vjen edhe çnderimi, urtia është me të përulurit.

Një popull pa udhëheqje rrëzohet, fitorja arrihet falë këshilltarëve të shumtë.

Fryti i të drejtit është pemë jete, i urti i bën për vete njerëzit.

Shpifësi endet duke treguar të fshehtat, por një shpirt i besueshëm e mbulon lajmin.

Kush është i njerëzishëm, i bën mirë vetes, kush është mizor, edhe trupin e vet e sfilit.

Kush mbështetet në kamjen e vet, do të rrëzohet, por të drejtët do të çelin si gjethe.

Në ditën e zemërimit s'duhet gjë pasuria, por drejtësia, ajo çliron nga vdekja.

Të drejtët i udhëheq përsosja e tyre, mashtruesit i rrënon dredhia e vet.

Si unaza e artë në hundën e një derri, ashtu është bukuria në gruan e pamend.

Peshorja e rreme i neveritet ZOTIT, por peshimi i saktë i pëlqen.