Vargje biblike të njohura nga Kuvendari 1

Ndaje

Se, kur urtia është e madhe, e madhe është edhe ngasja. Kush shton diturinë, shton brengën.

Ç'ka qenë, ajo edhe do të jetë, ç'është bërë, ajo edhe do të bëhet. Asgjë të re nuk ka nën diell!

Gjithçka është kapitëse, sa s'ka njeri ta tregojë. Syri nuk ngopet me të parë, veshi nuk ngihet me të dëgjuar.

Tymnajë e kaluar tymnajës, thotë kuvendari, tymnajë e kaluar tymnajës, gjithçka është tymnajë. Ç'dobi ka njeriu nga tërë mundi i vet, që të mundohet nën diell?

Kam parë gjithçka është bërë nën diell dhe, ja, gjithçka është tymnajë, si të rendësh pas erës.

Një brezni ikën, një brezni vjen, por toka mbetet përgjithmonë.

Nuk ka kujtim për kohët e lashta, por as për të ardhmen nuk u mbetet kujtim atyre që do të vijnë më vonë.

U dhashë me zemër pas njohjes së urtisë. Edhe marrëzinë dhe çmendurinë e njoha. Por edhe kjo është si të rendësh pas erës.