Vargje biblike të njohura nga Ligji i përtërirë 5

Ndaje

Ndero atin tënd e nënën tënde, siç të urdhëroi ZOTI, Perëndia yt, që të kesh jetë të gjatë e të të shkojë mbarë në tokën që po të jep ZOTI, Perëndia yt.

Ecni udhës që ju urdhëroi ZOTI, Perëndia juaj, që të jetoni, t'ju shkojë mbarë e të jeni me jetë të gjatë në tokën që do të pushtoni».

Mos i adhuro, as mos u shërbe, sepse unë ZOTI, Perëndia yt, jam Perëndi xheloz që ndëshkon paudhësinë e etërve deri në brezin e tretë e të katërt të bijve të atyre që më urrejnë. Por, jam i mëshirshëm me mijëra që më duan e zbatojnë ligjin tim.

Mos bëj idhull për veten tënde e asgjë të ngjashme me gjërat që janë lart në qiell, poshtë në tokë apo në ujërat e nëndheshme.

Mos ki Perëndi tjetër, përveç meje.

Mos e merr nëpër gojë kot emrin e ZOTIT, Perëndisë tënd, sepse ai nuk do të lërë pa ndëshkuar këdo që e merr nëpër gojë kot emrin e tij.

Ah, sikur të kishin përherë një mendje të tillë, që të më druanin e të mbanin urdhërimet e mia. Kështu do t'u shkonte mbarë atyre e bijve të tyre përgjithmonë.

Mbaje ditën e shtunë e shenjtëroje, siç të urdhëroi ZOTI, Perëndia yt.

Mos lakmo gruan e tjetrit. Mos lakmo shtëpinë e tij, as arën e tij, as shërbëtorin e shërbëtoren e tij, as kaun e gomarin e tij, asgjë të tij”.

Mos bëj tradhti bashkëshortore.

Mos bëj dëshmi të kotë kundër të afërtit tënd.

Mos vrit.

Mos vidh.

Mos harro se edhe ti ishe skllav në tokën e Egjiptit dhe se ZOTI, Perëndia yt, të nxori që andej me dorë të fuqishme e me krah të fortë, prandaj dhe të urdhëroi ta mbash ditën e shtunë.

Gjashtë ditë do të punosh e do të bësh gjithë punët e tua, por dita e shtatë është e shtuna e ZOTIT, Perëndisë tënd. Mos bëj gjë, as ti, as biri yt, as bija jote, as shërbëtori yt, as shërbëtorja jote, as demi yt, as gomari yt, asnjë nga kafshët e tua dhe as i huaji që rri me ty, që edhe shërbëtori e shërbëtorja jote të pushojnë si ti.

“Unë ZOTI, jam Perëndia yt, ai që të nxori nga toka e Egjiptit, nga vendi i skllavërisë.