Vargje biblike të njohura nga Yohanes 15

Ndaje

Yakuo en tuura in anggor, wo icamuo em panga-panganana. Si séike' si menonou meesa wo Yaku, Yaku ka'i meesa wo isia, sia méé oka keli wua'na. Ampa'paan sa sia ra'ica meesa wo Yaku, sapa-sapake' ra'ica kaémaanna.

Anaé, menonouo mangé meesa wo Yaku, wo Yaku ka'i meesa wo icamu. Meputé wo im pangana in anggor si ra'ica mengawua' ampa'paan ra'io ka'i meesa wo in tuurana, taniitu ka'i wo icamu. Sa kamu ra'ica menonou meesa wo Yaku, kamu ra'ica méé wua'na.

Sa kamu menonou meesa wo Yaku wo en taar-Ku an untepo in até miow, mangileko mangé sapake' en icasalé' miow, wo teriman oka miow sé pinangilek iow.

Ra'ica icamu en isumisir Yaku, taan Yakuo en isumisir icamu mamuali murit-Ku. Kamu winéan-Kuo tawoien, wosama' kamu mangé wo méé wua'na kumeli-keli sé ra'ica maka'pu. Anaé, sapake' em pangileken iow a si Amang-Ku a ngaran-Ku, en itu iwéé-Na oka ai camu.

Ra'ica wana upus en lébé wangko'mai wo in upus i esa tou si méé in owakna maté en lumowir sé kara-karapina.

Pakasa em pangana sé a Yaku sé ra'ica mengawua' pokolen-Na, wo pakasa em pangana sé a Yaku sé mengawua' weresin-Na wosama' em bua'na makaawes eng kakeli.

Si anioo em perénta-Ku: Meupu-upusano mangé kamu kaputé Yaku mengaupuso icamu.

Sa kamu mua' keli, si Amang-Ku oka em parayo-rayo wo pasiri-siriin. Wo in taniitu kamu mééo tuus sapaoka icamuo sé murit-Ku.”

Icua i Yesus a sé murit-Na, “Yakuo en tuura in anggor wutul wo si Amang-Kuo e matawoi an uma in anggor.

Si séike' mangé si ra'ica menonou meesa wo Yaku, sia tanuoka im pangana si ra'ica mawua', itiya' oka wo mapera, wo li'usen oka é tou wo iténdél an untep in api wo tunun.

Pakasa en itu icua-Ku ai camu, wosama' kamu ro'na maarui meputé wo Yaku, wo eng kaaruian iow itu makakii-kiit.

Sa kamu le'tek mengéma-ngéma' im perénta-Ku, kamu ro'na mendam in upus-Ku, meputé Yaku le'tek mengéma-ngéma' im perénta i Amang-Ku, akar Aku mendam in upus-Na.

Si anioo em perénta-Ku ai camu: Meupu-upusano mangé kamu si esa wo sé walina.”

Sa kamu kaputé éra ra'ica maéman a Yaku, tantu kamu icaupus éra tanu tou makiit iséra. Taan ampa'paan kamu sinisir-Kuo an uner éra, kamu ra'io meputé wo iséra sé ang kayo'baan, ampa'paan in ituo séra masuut icamu.