Vargje biblike të njohura nga MARCOS 9

Ndaje

Jesuse' tu ya'alaj ti': Wa cu páajtal a wocsaj óoltique', je'el ba'axaque' je'el u páajtal ti' máax cu yocsaj óolale'.

Ca túun tu ka'am a'alaj u taata le xi'ipalo': Quin wocsaj óoltic. ¡Áanten u ti'al in ya'abcuntic in wocsaj óolal!

Jesuse' j ooc túun ti' jun p'éel naj, u canbalo'obe' tu káat chi'ito'ob ti' jun páayil: ¿Ba'ax teen ma' j páatchajac jóokesic le kaakas pixano'? Ca tu ya'alaj ti'ob: Tumen le kaakas pixano'ob beyo'oba' chéen yéetel payalchi' yéetel su'ukin cu páajtal u jóoksa'alo'ob.

Le ta'abo' ma'alob, ba'ale' wa cu p'áatal ma' ch'óoch'e', ¿bix je'el u páajtal u ma'alobquinta'al tu ca'a téene'? Yanac ta'ab ti' te'ex, yéetel cuxlene'ex ich jéedzel ta baatzile'ex.

Le máax cu kamic tin kaaba' jun túul chan xi'ipal je'el bix lela', teen cu kamiquen. Le máax cu kamiquene', ma' chéen teen cu kamiqueni', ba'ale' cu kamic xan le máax j túuxteno'.

Je'el máaxac ca u dzáa te'ex quex chéen jun luuch ja' tin kaaba'e', tumen u ti'ale'ex Cristoe', tu jaajile' bíin bo'ota'ac ti'.

Je'el máaxac ca u beet u lúubul ti' keban jun túul ti' le mejen paalal u yoquesmaj u yóolo'ob ti' teno', jach ma'alob ca ka'axac jun p'éel u nojoch tuunichil juch' tu caal, ca pu'uluc tu taamil ka'anab.

Wa u neek a wich cu beetic a lúubule', jóokes, tumen asab ma'alob ca ocoquech chéen yéetel jun p'éel a wich tu ajawil Ku, ma' ca pu'ulquech metnal yéetel ca'a p'éel wich