Vargje biblike të njohura nga MARCOS 7

Ndaje

tumen ti' u pucsi'ikal máaco'ob cu jóokol le kaakas tuuculo'obo', le oocolo'obo', u dzíibolta'al ba'ax u ti'al yaanal máaco', le loobilo'obo', le tuuso'obo', le kaakas cuxtalo', le u pochilta'al ba'alo'ob ma' unajo', le kaakas péectzilo'obo', le ca'anal ichilo', le x ma' na'atilo'. Tuláacal le kaakas ba'alo'oba' ti' u pucsi'ikal máac cu jóokol, le o'olale' cu kascuntic máac.

Mix ba'al ti' le yo'ocabil ba'alo'ob cu yocol ti' máac cu páajtal u kascuntic máaco'. Le ba'ax cu jóokol te j pucsi'ikalo' le kaskuntic máac.

Jesuse' tu núucaj ti'ob: Tu beel ba'ax tu ya'alaj aj bóobat Isaías te'exe' j ca'a p'éel iche'ex, le ca tu dzíibtaj beya': Le máaco'oba' cu tziquiqueno'ob chéen yéetel u bóoxel u chi'ob, ba'ale' u pucsi'ikalo'obe' náach yaan ti' teen.

Mix ba'al u biilal u tziquiqueno'ob, tumen u ca'ansajo'obe' chéen u ya'almaj t'aan máaco'ob.

Tumen te'exe' ca p'atique'ex u ya'almaj t'aan Ku u ti'al a beetique'ex u ya'almaj t'aan máaco'ob: je'el bix a p'o'ique'ex le p'úulo'obo' bey xan u luuchilo'ob, yéetel u láak ya'abcach ba'alo'ob je'el bix lelo'oba'.