Vargje biblike të njohura nga MARCOS 16

Ndaje

Ca tu ya'alaj ti'ob: Xeene'ex ti' tuláacal yóokolcaab, yéetel tze'ecte'ex u ma'alob péectzil le tocsajila' ti' tuláacal máac.

Le chíiculalo'ob cu bin ilbil ti' le máaxo'ob tu yocsaj óolo'obo', leti' lelo'oba': Tin kaaba' bíin u jóokeso'ob kaakas pixano'ob; yaan u t'anico'ob túumben t'aano'ob; wa cu machico'ob caano'ob yéetel wa cu yukico'ob loolob ukule', ma' táan u yúuchul mix jun p'éel loob ti'ob. Bey xan yaan u dzáic u kabo'ob yóokol le koja'ano'obo', lelo'oba' cu yutztalo'ob.

Le máax cu yocsaj óoltic yéetel cu yocja'e, cu to'ocol. Ba'ale' le máax ma' tu yocsaj óoltique', cu xot kinta'al.

Leti'ob túune' jóoko'ob, ca tu tze'ecto'ob le ma'alob péectzil tuláacal tu'uxo', Yuumtzile' tu yáantajo'ob, bey xan tu jaajcuntaj le ma'alob péectzilo' yéetel le chíiculalo'ob tu beetajo'. Ca béeyac.

Ba'ale' le ti'e' tu ya'alaj ti'ob: Ma' u ja'akal a wóole'ex. te'exe' táan a caxantique'ex Jesús Nazaretil máax j quíimsa'ab ti' cruz. Ba'ale' leti'e' dzo'oc u ca'a púut cuxtal. mina'an waye'. Ile'ex le cúuchil tu'ux j dzaabo'.

Ba'ale' le ca tu pactajo'obe' tu yilajo'ob le nojoch tuunich iquil maca'anil ca'ach le mucnalo' mina'an tu cúuchil. J ooco'ob te j mucnalo', ca tu yilajo'ob jun túul táanquelem máac culucbal tu x no'ojil le mucnalo', u búuquintmaj jun p'éel chowac sac nook, ca ja'ak u yóolo'ob.