Vargje biblike të njohura nga MARCOS 12

Ndaje

Jesuse' tu núucaj ti': Le yáax a'almaj t'aan ichil tuláacalo' leti' lela': U'uye, Israel, Yuumtzil c Kue' chéen leti' Yuumtzil. Yaabilt túun Yuumtzil a Ku yéetel tuláacal a pucsi'ikal, yéetel tuláacal a pixan, yéetel tuláacal a tuucul, yéetel tuláacal a muuk. Lela' leti' le yáax a'almaj t'aano'. Le u ca'a p'éelo' chica'an ti' le yáaxo': Yaabilt a láak je'el bix ca yaabiltcaba'e'. Mina'an u láak asab nojoch a'almaj t'aan ti' lelo'oba'.

Jesuse' tu t'anaj túun u aj canbalo'obe' ca tu ya'alaj ti'ob: Tu jaajil quin wa'alic ti' te'exe', le óotzil x quimen íichama' tu dzaj jun p'éel ti'ibil óolal asab nojoch tu yóokol tuláacal le u láako'ob tu dzajo'ob taakino'obo'. Tumen tuláacalo'ob cu dzáico'ob chéen le cu yalabtic ti'obo', ba'ale' le co'olela', ichil u yóotzilile' tu dzáa tuláacal ba'ax yaan ca'ach ti' u ti'al u cuxtal.

Jun téene' culucbal Jesús te j kulnajo' actáan ti' u nu'ucul tu'ux cu dza'abal le ti'ibil óolalo'obo'. Táan u pactic bix u dzáico'ob u taakino'ob le máaco'obo'. Tu yilaj xan ya'abcach ayikalo'ob cu dzáico'ob ya'ab taakin. Ti' lelo', ca j kuch jun túul óotzil x quimen íicham ca tu dzaj ca'a p'éel mejen box taakin jach jun p'íit u tojol.

Yéetel u yaabilta'al Ku yéetel tuláacal pucsi'ikal, yéetel tuláacal na'at, yéetel tuláacal pixan, yéetel tuláacal muuk. bey xan u yaabilta'al c láak je'el bix u yaabilticubáa máaque', píitmanja'an u tojol yóokol tuláacal le quíimsbil siibalo'ob yéetel ti' tuláacal le siibalo'ob cu tóoca'alo'obo'.

Jesuse' tu ya'alaj túun ti'ob: Dza'ex ti' Cesar ba'ax u ti'al César, yéetel dza'ex ti' Ku ba'ax u ti'al Ku. Ca ja'ak u yóolo'ob tu yo'olal u núuc t'aan.