Vargje biblike të njohura nga Mat 28

Ndaje

Ghɛn ndu yì se əbtum əbjim, è nɛɛy ghele yɛ lu ghon-ɛyfɛl nə mɛ, é ghɛn yɛ foo moo se ghene, se ɛyghel nə Bay, nɛ̀ se ɛyghel nə Wan, gese nɛ̀ se ɛyghel nə Keyioy Kelanene. Ghɛn dinte əbnəə se ghene, é ghene yɛ lɛm əbnəə əbjim wɛ mɛ nè dinten se ghɛn. Ghɛn keele ge mɛ ko nɛ̂y yɛ lu kɛn ghɛsen, se chin ka mbi náà mɛy.

Jesus kokte baksen se ghene, è suuy se ghene ge: Ba ə wom lu nɛ əb foomen əbtaawe ɛysake wɛ́ ɛyyio gese nɛ̀ wɛ́ ntiɛ se mɛ əbjim.

Nchiy-ndaa-Feyin yi suuy se əbkiy ghii ge: Ghàà ghɛn yɛ fan, mɛ ke ge ghɛne kɛŋe Jesus, wɛ ɛ́ nè banten se kentam. Əb báà se lu fɛn. Feyine losemen wen se ɛykuo kɛn ɛyghɛl ka əb nè suuyen ɛ əbliy wɛ əb nè bo bɛɛyen əbtaa. Ghɛn gwiy, è yɛn bene fɛ ɛygvən ə wene ne nyiŋen.

Jesus suuy se ghene ge: Ghàà ghɛn yɛ fan. Ghɛn ndu, è suuy se ghele ngoo nə mɛɛ ge ghene yɛ ndu ɛ Galilee bene fɛ ghɛse ghene konen.

Ghele mbiye se ghɛ́ ntaŋlee ghii ghene chɛɛ sɛ ɛylak foo me diom è siyse, è fo ntuk əbkaa se ghel ɛyghoŋ se chite ɛychio ghen so. Ghene fó dî, è suuy se ghene ge: Ghɛn lu se suuy se ghele kɛn ge ghon-ɛyfɛl nə wene ne gwiy nɛ ntəke è choŋ ɛygvən ə wen nɛ ghɛs buune. Ghene suuy di, è me gese din se ghene ge: Goveno loo lu è nɛ̂y yio kenəə kin, é ghɛs ko keele kenəə kɛ ghɛse nɛɛy ka lòó ghɛn jia kiile ngɛkse. Ghel ɛyghoŋ ghii fii əbkaa vi, è me nɛɛy kɛn ka ɛ́ suuy ge ghene nɛɛy. Mɛ se lu nɛ lu əbbuam wɛ ɛ́ yian nduun ɛ məm nə ghele Juuse se chin se lan, ge ɛ́ nè choŋ ɛygvən ə Jesus choŋen.