Vargje biblike të njohura nga Matius 24

Ndaje

Bo mkair-kar ro mfo wefo raa mno sor to, mrok msai renti. Tibyo raa mawat kbe miranya kaket u fee. Tna awya ro bito smot Jõ matak mamo snok mam oon sboh rau to, meen ait ykai riof ro mase.

Tna bokyas moof ro mkyas raa mana ro Allah yamo Raja ybo to, kbe raa mkyas. Mkyas kʼraa ro bangsa makin mam arin aso refo beta mari. Mari wia tna fo oon rau sboh oh meto.”

Kbe anu nri he raa rabin taro meanya tna mafa mnin-nin. Bo weto kbe mabo tu oh. Menohe waa ma: Bo weto kbe frok matim wia. Bo weto frok mama tna tabam refo ayõ rau ro haberek tetara fee.

Tna raa ro bangsa sau kbe masen mame anya msya raa ro bangsa roto taro. Tna raa ro raja sait ybo kbe masen mame anya msya raa ro raja roto taro mbo ye. Tna kbe hai awyah btek mai kʼraa, tna kbe iin frok mam wore aro rau-rau ye. Menohe bo ro samyoh weto beta to makit rau sai fares meto. Wore wo anu nmat bo weto to, kbe anu nhar nwe oon reto mabo oh. Reto mfi fnya ro mhaf ja kborham wia, tna kbe mabe ku to.

Ayoh msya tabam refo kbe saef marak. Menohe bokyas aJõ kbe meen mhau mawyõs mamo snok mam hame wajin.

Jõ fi Mesias sait aran. Menohe meen raa mawat mama tna sruf bo mawe ana Mesias ybam kʼAllah. Kbe raa mawat mari feto tna smot raa weto.

Anu nkro Jõ to, tibyo kbe raa mfot anu msan kʼraa sikowah tna mame anu njat ye. Tna raa bangsa ro tabam refo beta kbe knait anu. Ati reto to, raa mawat ro tiwya smot Jõ wia to, kbe haberek. Tna kbe ana hren ksuk kʼanya ye tna knait anya ye. Tna kbe raa mawat mama sioh raa mawe, ana to nabi ro Allah ybis mama mkyas bo wAit. He mfe. Bo ro ana mkyas to, kbe raa mawat mari tna kro ye.

Yesus yawe, “Kaket anu! Nno be raa mama sioh besruf anu.

'Ait ro Yroh Yama Yfi Raa Sai' kbe meen yama u. Kbe hah yama u mam ayõ ro anu wase tna kbe nwof Ait fee. Feto to nhau siwyan Ait yoyo.”

Anu ye wase oon ro Tuhan ranu yama. Feto to, hre byõ-abyõ sai.

Ayõ ro Jõ tama u to, raa sait bo yhar fee. Malaikat ana wase ye. Jõ, Ku ro Allah yare fi twase ye. Taja yesait aran yhar bo rAit.”

Meen, ati reto to, raa ro mawe besruf anu to, kbe frok mama. Taro mawe ana to Mesias, he mfe. Tna taro mawe ana to nabi ro Allah ybis mama mkyas bo wAit. He mfe ye. Wore weto to ana sair bo ro hnah. Tna mno bo ro msai mawat ye. Ana mawe besruf raa beta. Ana tomer besruf raa sok ro Allah wAit ye he mfe. Feto to, soh raa sait yawe kʼanu yawe, ‘Nmat, Mesias yama mam ati rno mno!’ Soh yawe feto to, nri ait ma! Tna soh sait yawe kʼanu yawe, ‘Nmat, Mesias yama mam ati rau mau.’ Nri bo ro yawe to ma!

Tna Yesus yawe, “'Ait ro Yroh Yama Yfi Raa Sai' meen hah ye yama. Ait hah ye yama to, kbe raa mhau mno bo wana mnan wore wo tiwya Nuh yhau: Tiwya mam wore aya mabo betru tabam refo fefares to, ja raa mnaut mamos wana fee. Raa mait bo sai. Tna raa msya fnya moo anya sai. Raa mno bo weto mamo snok mam ati ro Nuh twok mam wiak aken rait to. Ati reto raa mhau ninya sai. Tna aya mabo frok mama betru ana msu beta. Meen ati ro 'Ait ro Yroh Yama Yfi Raa Sai' yama to, arin to, mfi feto ye.