Vargje biblike të njohura nga Lu̍kū 21

Ndaje

Lā mānda̍ŋ. Ndu̍yɛ̍ mī lā pīɛ̍i̍ Mɛ̄lɛ̄ka̍ le̍ te̍le̍ŋ o̍ te̍le̍ŋ. Lā pīɛ̍i̍ Mɛ̍lɛ̄ka̍ le̍ mī lā sɔ̄la̍ kpāāyāa̍ le̍ hīɔ̄lɔ᷄ŋndo̍ o̍ sɔ̄ɔ̍ŋ cho̍ mu᷅ŋ hūnɔ̄ɔ̄ yɔ̄nɔ᷄ŋndo̍ wo̍ŋ ni᷄ŋ, ndu̍yɛ̍ mbō lo̍ o̍ ko̍ŋ, mī lā si᷄m fɛ̍lɛ̍ŋ wāna̍ nda̍ vēēlū āā, Po̍ wānā Pɔ̍nɔ̍ɔ̍ wo̍ o̍ hɔ̄l.”

“Lā mānda̍ŋ. Lā yɔ̍ŋgu᷄ŋ nya̍ pi̍la̍ o̍ kūūlīāālā nyɛ̄ dīāā la̍ŋ chōo̍, a̍ o̍ kōlɔ̄ɔ̄ kālā ka̍lāa̍ ni᷄ŋ te̍. Ndu̍yɛ̍, lā yɔ̍ŋgu᷄ŋ o̍ kɔ̄l lānda᷄ŋ nyɛ̄ nu̍u̍wāā chi̍e̍ēŋndo̍ ho̍ō ni᷄ŋ te̍. Tē lā yɔ̄ŋgu̍ŋ o̍ nyɔ̄ɔ̍ŋ mu᷅ŋ ni᷄ŋ pɛ̍, pāa̍le̍ wāna̍ nda̍ vēēlū āā, Po̍ Wānā Pɔ̍nɔ̍ɔ̍ wo̍ nɔ̄ le̍ hūnɔ̄ɔ̍ le̍ŋ lē chō fūūlūū, ndu̍yɛ̍ mī lē kōma̍l nya̍, lā ve᷅ ni̍ŋ kɔ̍l kpo̍so̍ŋ te̍.

Lā si᷄m a̍ dīāllūŋ kālā. O̍ ko̍ŋ, lā nɔ̄lā mī lā pīŋi̍ yōōmūlā nyāla̍ŋ.”

Kāni̍ fu̍u̍le̍, ya̍ pi̍la̍ I̍ cho̍ nya̍ dīōmndā nya̍ nɔ̄ le̍ dīmīo̍o̍ la̍ŋ dɔ̄wɔ̄ɔ̄ o̍ sōndō, ndu̍yɛ̍ mī I̍ ke̍ nya̍ kɔ̄l kālo̍o̍ mɛ̄ɛ̍ nya̍ kɔ̄ɔ̄sā yɛ̍. O̍ ko̍ŋ, wānāa̍ ku̍ā ka̍ŋ a̍ nya̍ o̍ māsāa̍ lo̍ wa̍, ā nɔ̍lā mā si᷄m nya̍ bɛ̍ɛ̍ o̍ hɔ̄l a̍ kɔ̍ɔ̍sɔ̍ɔ̍ le̍.

Ha̍la̍a̍ a̍ chi̍e̍ēŋndo̍ ā fāŋāŋ, kɛ̍ dīōmndā nīla̍ŋ lā fe̍ŋāŋ le̍cho̍o̍ le̍.”

Mi̍ Chi̍i̍sū di̍mī vɛ̄lɛ̄ āā, “Sɔ̄ɔ̍ŋ lākpālo᷄ŋ chō yɔ̄nɔ᷄ŋ o̍ pāa̍le̍ŋ, a̍ pāŋge̍i̍, a̍ lōo̍ŋ. Būūla᷄ŋ bɛ̍ndōo̍ wā ni̍ŋ lɛ᷅ŋnde̍ o̍ chi̍e̍ēŋndo̍ chōo̍, mī kɔ̄lta̍ŋ lā lāāsi̍a̍ŋ wa᷅ŋnda̍ a̍ kpōku̍ kpo᷅ku̍ bɛ̍ndū pēē mɛ̄ŋmā īhɛ᷄llo̍ ō wā ni̍ŋ ndo̍. Wāŋnda̍ wōū ni̍ŋ kpa̍nɛ̍i̍ a̍ sīōōŋnde̍. Ā wā ni̍ŋ a̍ kɔ̄ltā lānda᷄ŋnda̍ŋ le̍ nyɛ̍ cho̍ hūnɔ̄ɔ̄ yɔ̄nɔ᷄ŋ o̍ chi̍e̍ēŋndo̍ chōo̍ wo̍. Kāni̍ fo̍ndōle̍, kpāāyāla̍ŋ chōo̍ cho̍o̍ la̍ cho̍ fāŋa᷄ŋ o̍ fo̍ndāŋndā ndāla̍ŋ. O̍ ko̍ŋ kɔ̍ɔ̍lī, wāŋnda̍ chō wāna̍ nda̍ vēēlū āā, Po̍ Wānā Pɔ̍nɔ̍ɔ̍ wo̍ chɔ̄ hūnɔ̄ɔ̍ o̍ yu̍mbu̍ yu̍mbo̍o̍ ni᷄ŋ, a̍ kpāāyāa̍, a̍ nāŋɔ̄ɔ̄ bɛ̄ndōo̍.

Wāŋnda̍ kpo̍u̍, ā chō nya̍ yɛ̄le̍ŋ tūl le̍ mɛ̄ɛ̍ nya̍ lāāla̍ŋ a̍ ya̍ yɛ̍.

Lɛ̄ŋnde̍ŋ lē nyīīya̍ ni̍ŋ ta̍u̍ o̍ fo̍ndāŋndā fāŋgā fa̍ŋgā. Yīa̍a̍ŋ mā dēl ni̍ŋ, ndu̍yɛ̍ mī nāāla̍ ta̍ŋ wa᷅ŋnda̍ la̍ŋ lā kūi̍i̍ o̍ fo̍ndāŋndā fāŋgā fa̍ŋgā. Sɔ̄ɔ̍ŋ ŋ̄sīōōŋndo̍ŋ, ŋ̄ chō yɔ̄nɔ᷄ŋ mī kpālōla̍ bɛ̍ndūla̍ŋ lā yɔ̄nu̍ŋ o̍ ha̍la̍a̍ ni᷄ŋ.

Tē lā tūēī pɛ̍ mī chɔ̄ūla̍ŋ lā wa̍, ndu̍yɛ̍ mī lā tūēī mī wāŋnda̍ sīmu̍l māsāa̍ ndāa̍, lā yɔ᷅ŋ īsīōōŋ te̍. Sɔ̄ɔ̍ŋ mu᷅ŋ fɛ̍lɛ̍ŋ ŋ̍ nɔ̍ le̍ yɔ̄nɔ᷄ŋndo̍. Kɛ̍, mu̍ŋ yɔ̍nu̍ŋ bɛ̍ɛ̍, ko̍ŋ chɔ᷅m māā mɛ̄ɛ̄lu̍la̍ chi̍e̍ēŋndo̍ le̍ la̍ fu̍u̍lu̍u̍ la̍ŋ te̍.” Mbo̍ hīāū lāchī a̍ dīmīo̍o̍ āā, “Māsāa̍ a̍ māsāa̍ ā sɔ̄ŋgā ni̍ŋ mī lɛ̄ŋnde̍ŋ a̍ lɛ̄ŋnde̍ŋ ā sɔ̄ŋga̍.

Mi̍ Chi̍i̍sū di̍mī vɛ̄lɛ̄ āā, “Sɔ̄ɔ̍ŋ lākpālo᷄ŋ chō yɔ̄nɔ᷄ŋ o̍ pāa̍le̍ŋ, a̍ pāŋge̍i̍, a̍ lōo̍ŋ. Būūla᷄ŋ bɛ̍ndōo̍ wā ni̍ŋ lɛ᷅ŋnde̍ o̍ chi̍e̍ēŋndo̍ chōo̍, mī kɔ̄lta̍ŋ lā lāāsi̍a̍ŋ wa᷅ŋnda̍ a̍ kpōku̍ kpo᷅ku̍ bɛ̍ndū pēē mɛ̄ŋmā īhɛ᷄llo̍ ō wā ni̍ŋ ndo̍. Wāŋnda̍ wōū ni̍ŋ kpa̍nɛ̍i̍ a̍ sīōōŋnde̍. Ā wā ni̍ŋ a̍ kɔ̄ltā lānda᷄ŋnda̍ŋ le̍ nyɛ̍ cho̍ hūnɔ̄ɔ̄ yɔ̄nɔ᷄ŋ o̍ chi̍e̍ēŋndo̍ chōo̍ wo̍. Kāni̍ fo̍ndōle̍, kpāāyāla̍ŋ chōo̍ cho̍o̍ la̍ cho̍ fāŋa᷄ŋ o̍ fo̍ndāŋndā ndāla̍ŋ.

Mbo̍ hīāū lāchī a̍ dīmīo̍o̍ āā, “Māsāa̍ a̍ māsāa̍ ā sɔ̄ŋgā ni̍ŋ mī lɛ̄ŋnde̍ŋ a̍ lɛ̄ŋnde̍ŋ ā sɔ̄ŋga̍.

Mbo̍ mūlī āā, “Lā mānda̍ŋ, yɔ̍ŋi̍ wānā o̍ wānā hu̍i̍ nya̍. Kāni̍ fo̍ndōle̍, wānāā fāŋgā fa̍ŋgā ā hūŋ ni̍ŋ mā chu̍a̍ dīōlā nīla̍ŋ mā dīmi̍ māā nda̍ cho̍ Ki̍li̍tī ni̍, wāna̍ Mɛ̄lɛ̄ka̍ chu̍a̍ būŋgɛ̄i̍ māā ō chō vīōmɔ̄ɔ̄ le̍ wāŋnda̍ pīŋīo̍o̍ wo̍. Ndu̍yɛ̍, ā hūŋ hi̍ŋ mā dīmi̍ āā, ‘Te̍le̍ŋndo̍ fūūlu̍u̍.’ Kɛ̍, lā tu̍āl nda̍ kɔ̄ɔ̄lī le̍.