Vargje biblike të njohura nga Матфей 5

Ndaje

Јарыткышты камысканда, оны казанла кӧҥкӧрбӧйтӧн. Карын, оны бойыныҥ јерине тургузатан, ол айыл ичиндеги ончо улуска јарыйт. Јаркыныгар улус алдында анайып јарып турзын, олор ак кылынып јӱргенигерди кӧрӱп, Теҥеридеги Адагарды алказын.

Слер – бу телекейдиҥ улузына јарык. Кыр бажында турган кала кӧскӧ илинбей калбас.

Ару јӱректӱлер кежиктӱ: олор Кудайды кӧрӧр.

Чындыктаҥ аштап-суузап јӱргендер кежиктӱ: олор тойор.

Је Мениҥ слерге айдып турганым бу: ӧштӱлеригерге буурзагар, слерди каргагандарды алкагар, слерди јаман кӧргӧндӧргӧ јакшыгар јетиригер, слерге јаманын јетиргендер учун, слерди истегендер учун мӱргигер.

– Тыны тӱреҥи јӱргендер кежиктӱ: Теҥери Каандыгы – олордыйы.

Амыр јайап јӱргендер кежиктӱ: олор Кудайдыҥ уулдары деп адалар.

Ыйлап јӱргендер кежиктӱ: олорго коот болор.

Чындык учун улуска кыстадып јӱргендер кежиктӱ: Теҥери Каандыгы – олордыйы.

Быйанду улус кежиктӱ: олорго быйан једер.

Мен учун улуска јаман айттырып, сӱрдӱрип, јабарладып бурулатсагар, кежиктӱ болгоныгар ол. Сӱӱнигер, јыргагар: теҥеридеги кайралыгар улу! Анайып ок слердеҥ озо јӱрген јарлыкчылар да истеткен эди.

Јобоштор кежиктӱ: олор јерди энчиленер.

Слер – јердиҥ тузы. Тус амтанын јылыйткажын, оны катап неле тусту эдер? Ол неге де јарабас, оны јаҥыс улус тепсезин деп, чыгара таштайтан.

Анайдарда, теҥеридеги толо кемдӱ Адагардый, толо кемдӱ болыгар.

Айдар сӧзигер мындый болзын: эйе болзо, «эйе», јок болзо, «јок». Кожуп айтканы, – јаманнаҥ.

Кӧс ордына кӧс, тиш ордына тиш дегенин укканыгар. Је Мениҥ слерге айдып турганым бу: јаманга удурлашпа. Карын, оҥ јаагыҥа тажып ийген кижиге база бир јаагыҥды тӧгӧп бер.

Оҥ кӧзиҥ сени јаманга баштап турган болзо, оныҥды кодоро тартып, бойыҥнаҥ ары таштап ий. Алкы бойыҥ таамыга ташталганчаҥ, эдиҥниҥ бир ӱйезинеҥ айрылып калганыҥ бойыҥа јакшы. Оҥ колыҥ сени јаманга баштап турган болзо, оныҥды кезип, бойыҥнаҥ ары таштап ий. Сен бойыҥ таамыга ташталганчаҥ, бир ӱйенеҥ айрылып калганыҥ бойыҥа јакшы.