Vargje biblike të njohura nga Mateo 5

Ndaje

*Xroꞌan ngisen sinchekakiin naa xroꞌi ko tsakeꞌe sen xroꞌi ngangi naa chikute. Naꞌi, xroꞌi takeꞌe xroꞌi noi ngataꞌa naa nta̱a̱ ixi sinchengasáña xroꞌi kain chujni ste nchia. *Jaña jaꞌanta kaxon nchengasáñeꞌenta kain chujni jii ngandajinnta, meꞌe tsikon chujni ti jian ncheꞌenta, jaña jeꞌe na̱ tsajon na̱ juasaya ngajin Ndotáina jii ngajní.

*’Xroꞌi tingasáñaxin nunte xasintajni meꞌe jaꞌanta. Naa tjajna jii ngataꞌa naa ijna̱ juaꞌi tsemá tjajna.

’Juaxruxin tsakeꞌe sen kuitikaon ko juinchetjúá aséen ixi jeꞌe sen nduaxin tsikon sen ndo Dio.

’Juaxruxin tsakeꞌe kain sen tjaun xranchi xrojuine o̱ xrokuiꞌi chijnie ndo Dio ixi jeꞌe ndo Dio tsajon ndo ti jian ngaya aséen sen.

Ko janꞌan ntatjunta ixi tjueꞌenta ni ningakonꞌannta, ko ndachenta ndo Dio sinchenchaon ndo ni ndakoꞌa nichjaꞌanta, ko tingijnanta ni ningakonꞌannta, ko ndachenta ndo Dio ixi sincheméꞌe ndo ti ndakoꞌa juintaꞌanta na̱ ko ti chinga nichja na̱ ixi jaꞌanta ko ti benginta na̱.

―Juaxruxin tsakeꞌe sen xraxaon ixi nduaxin xrokondeꞌe sen ndo Dio ixi sen meꞌe tsayéꞌe sen juachaxin tsintee sen ti tetuanꞌan ndo Dio.

’Juaxruxin tsakeꞌe kain sen stetingijna ixi tsinteke̱to̱ꞌa chujni ko ndo Dio sinchekinꞌin ndo sen chjenꞌen ndo.

’Juaxruxin tsakeꞌe kain sen stechíín ixi xrojan ngeꞌe ti ndakoꞌa konꞌen sen, ko jeꞌe ndo Dio tsajon ndo juachaxin ixi juaxruxin tsintee sen.

*’Juaxruxin tsakeꞌe sen chinga nchekao na̱ ixi titikaon sen ngeꞌe tjaun ndo Dio, meꞌe jeꞌe sen tikinixinꞌen sen ngajní ti tetuanꞌan ndo Dio.

’Juaxruxin tsakeꞌe sen tingijna sen kichuu, jaña ndo Dio kaxon tsikonóeꞌe ndo sen.

*’Juaxruxin takeꞌé jaꞌanta ti chinga tuyakuꞌanta na̱ ko ningakonꞌannta na̱ ko tjangiꞌanta na̱ ixi kondanaxin janꞌan. *Cháꞌanta ko juaxruxin takeꞌénta ixi jaꞌanta tsayeꞌenta naa ngeꞌe ícha jian jii ngajní. Ixi jaña juinchekao na̱ sen saꞌó, sen kuanichja chijnie ndo Dio.

’Juaxruxin tsakeꞌe sen nchejiéꞌa aséen ixi jeꞌe sen tsayéꞌe sen nunte ti ó ndachro ndo Dio tsajon ndo.

*’Xranchi xíjnteꞌe nunte xasintajni meꞌe jaꞌanta, ko siá xíjnta ijníꞌa xíjnta, ¿xranchi tsojníxin xíjnta íjngo?, ko jaña íxroꞌan tsonda xíjnta, tsintji xíjnta, ko tsingatjangi na̱ xíjnta.

Méxin tsango jian ko ndako ncheꞌenta kain ngeꞌe xranchi Ndotánta jii ngajní, jian ncheꞌe jeꞌe ndo ko jian ndo.

Méxin nchakon xrondachronta jaán, jaán tsonꞌen, o̱ siá xrondachronta naꞌi, naꞌi tsonꞌen ixi kain ti ícha xronichjanta, meꞌe nchekateyanta Xixronꞌanxrée.

’Ó kuinꞌennta ixi kuandachro sen saꞌó siá kuandeꞌena ito̱n ikonnta, jaꞌanta kaxon tandeꞌenta ito̱n ikon na̱. Ko siá ito̱n kuantsjexin na̱ nenonta, jaꞌanta kaxon tandeꞌenta ito̱n neno na̱. Ko janꞌan ndachrja̱n te̱to̱koꞌinta ni ñaꞌi, ko siá xrojan ni meꞌe tsandeꞌe na̱ itja na̱ ngaya ikonnta, ndatsjonxin jian, takéenta ti ndatsjonxin ikjon kaxon.

*’Méxin siá ikuan ndatsjonxin jian sintekateya ixi sincheꞌe ti ndakoꞌa, cháña tantsjengia ko ndáꞌa tjanka, ixi cháña tsitjáña tuꞌo cuerpoa ko jeꞌa tsitjáña nchijíi jaꞌa ti jii xroꞌi naiꞌa tsanga. *Ko siá tjáa ndatsjonxin jian sintekateya ixi sincheꞌe ti ndakoꞌa, cháña tonchrijian tjáa ko ndáꞌa tjanka ixi cháña tsitjáña tuꞌo cuerpoa ko jeꞌa tsitjáña nchijíi jaꞌa ti jii xroꞌi naiꞌa tsanga.